العصبانة من اشهى الماكولات الجزائرية التقليدية
والكثير من الرجال يشتهينها غير ان البعض منا (النساء) يتهربن منها بسبب رائحتها وعملية تنظيفها وتحضيرها
التي تعد بسيطة ان اتبعت مايلي
1/
الكرشة بعد ماتتنقى مليح
نقسموها بالسكين ونشكلوها اكياس
تخاط بالابرة والخيط.
ونخليو فتحة فقط باه نحط منها الحشو.
المصران المنقيين نقطعوهم قطع صغيرة.
ونزيدولهم الكرشة الي بقاتنا وماقدرناش نعملو منها اكياس.
نضيفولهم معدنوس مفروم
+ثوم مفروم و قليل من البصل
+شوية شحم مرابي يعطي بنة وفرق كبير في الطهي
+طماطم مصبرة
+هريسة للبنة
+حمص مرنخ (مشمخ)
+ملح وتوابل (فلفل اسود+فلفل عكري+تابل وكروية+راس الحانوت)
+1/2 فنجان فريك (كاين ال يحط الارز لكن انا افضل الفريك كي تطيب مايبانش الفريك خلاه).
نحرك الخليط تعنا مليح
ونعمرو الاكياس الي عملناهم
ومن بعد نخيط الفتحة الي خليناها قبل.
تحفظ بالمجمد الى حين استعمالها.
شهية طيبة
عملها مقررف و مزعج
لكن واش نديرو؟؟
راها جزء من اطباقنا
fi skikda n3amlouhqa ma kousksi wala chakhchoukha tani w kayen ali dirha ma marka khoudra
douktha and waha fami bnina
راكي تشهي فيا و انا نتوحم
حرام عليك
بصح مانسيتكشمنورة اختي
راجلي مايحبها مايحب ريحتها هههه ناكلها وحدي في الدار حتى اولادي طلعوا لباباهم
شكرااا لمرورك حبوبة
حنا نديروها تاني مع الكسكسي والشخشوخة وتاني مرقة نقطعوها من بعد مانعملوها هك الى شرائح ونحطوها في الفرينة والبيض ونقليوها ومن بعد نديرو صوص حمراء بالحمص ونحطوها فيها
منورة اختي
[QUOTE=om yasmine;311561]ta3tik asaha om pissou
fi skikda n3amlouhqa ma kousksi wala chakhchoukha tani w kayen ali dirha ma marka khoudra
اجل اختي كيف كيف بصح تع المرقة نديرولها غير الحمص حنا ومانعملوش الخضر
منورة الموضوع
ربي يثبت جنينك ويقوم بالسلامة ويجع له خير عليكم
