ما بالنسبة لينا هنا في سوق اهراس يبدو من شهر شعبان تقريبا تبدء المرءة بتنضيف البيت وذالك بطلاء البيت او غسل الحائط وغسل الاشياء مثل الزرابي والافرشة لكي تستقبل هذا الشهر ببيت نضيف وتبدء في شراء الحلل الجدية والصحون الجذية وحتى مفارش الطولات تكون جديدة وكذالك تحضر التوابل والبهرات الخاصة لطبخ وتكون هذه البهرات معمولة في البيت و كذلك نحضرو الفريك للشربة التي لا غنى عنها في رمضان
طبعا لازم نديرو في بالنا بلي رمضان للعبادة اكثر من اي شيء لذلك التحضير المسبق له يخفف علينا الاشغال فيه هكا نلقاو الوقت للصلاة او قراءة القران الكريم
لرجو منكم التفاعل وانشاءالله نكملو حتى دخول رمضان الكريم
مشكوووووورة حبيبتي
يثبت + تقيييييم
أنا نديرها في العلبة تاع مكعبات الثلج و ندخلها الكونجيلاتور كي تجمد مليح نحيها و نديرها في أكياس و نحي بالمكعب واش نستحق
نشري كيلو روز و نطحنو باش ندير بيه المحلبي
نوجد كامل التوابل الي نستحقهم من قبل (فلفل، حرور، عكري، راس الحانوت، زعفران، ………)
نوجد كامل دوزان الحلوى الي نحتاجها في رمضان (الجلجلان، الكاكاو، نواة كوكو، الكاوكاو، سكر جلاصي، عسل، حلوة الترك……الخ)
اعملي كميات كبيرة قبل رمضان و خبيها فقط في علبة بلاستكية محكمة الإغلاق و خبيها عادي في الثلاجة
اعمليه للبوراك، احشي بيها السفيرية و الباتنجان، للمعقودة……..الخ
باش تخدمي بيه الحلو مثل الكرواصون و الحلوات المعسلة …الخ دريه وحدو بدون أي اضافات و تقدري كي تكوني تخدمي فيه ضيفيلو قطعة زبدة ذايبة و شوية سكر و مبعد حطيه في العلبة و خبيه
نديروا في علب تاع الرايب (1ل ) و نخبيه فالكونجيلاتور و كي نحب ندير حريرتي نجبدو، ماتديليش الوقت بزاف
عنقوق الجاج و جناحتين+ حبة بطاطا صغيرة + 4 حبات طوماطيش طايبين + حبة زرودية + حبة كورجات (قرعة)+ ربطة حشيش مقطفة مع شطبة نعناع و شطبة كرفس مربوطين مع بعض بدون تقطيع + ماء + ملح+ راس الحانوت+ عكري
- نوجد قارورة تاع ليترا و ندير فيها لافينيجرات (الخل، الزيت، الموطارد و الملح) و نخبيها فالثلاجة
- نوجد العسيلة بالزيادة نديرها فلي بوات تاع الحليب (بيوميل) و نحطها فالثلاجة
- نوجد الكاوكاو بلا قشرة نبيتو مشمخ مليح فالقارص و نزيدلو ليكستري تاع اللوز و فالصباح نفورو و نخليه قريب 2 سوايع يفور و مبعد نشفو فالفور ونرحيه و هاكدا متفرقيش بينو وبين اللوز مرحي.
نزيدلو القرفة و السكر (3كيلات كاوكاو مرحي بكيلة سكر و شوية قرفة) نخبيه في الثلاجة ف علب الحليب دائما (العلب المعدنية جد حافظة للأشياء)
كي ندير القطايف و لا الصامصة نزيدلو ماء زهر و نحشيهم