المقادير:
250غ فرينة
125غ زبدة
بيضة
قرصة ملح
نصف ملعقة سكر
2م ك حليب
التحضير:
نحط الزبدة مقطعة مكعبات لازم تكون الزبدة باردة ونرملها واسحن طريقة باش متتعبيش ديري كيما انا طوووووووووووول في الروبو تولي بربوشة وحدها
الصورة هاذي تبين :
نضيف الملح والسكر ونزيد نخلط شوية ثم نضيف البيضة في الوسط
نضيف الحليب مع البيضة ونلم برك منعجنش وهذا هو السر ونغلف في السيلوفان ثم اوووب الى الثلاجة مدة نصف ساعة
كريمة الليمون:المقادير موضحة في الصورة
التحضير:
اولا نضع الليمون على نار هادية ثم نفرغ السكر ونقعد نذوب فيه حتان يذوب مليح ثم نضيف 4 بيضات بالتناوب وحنا نزرب نخلط وبلاكي تغفلي على البيض والا راح يطيب ويتكتل اخفقي بلا ما تتوقفي لمدة 10 د حتان يخثار ثم انزعيه من النار واقعدي حركي 3د اخرى باش ميتكتلش ثم اتركيه لمدة 7 د باش يدفى برك ابداي تزيدي في الزبدة بالطرف وحركي كل ما تزيدي جتان تتحصلي على كريمة لذيذة وهاهي النتيجة غلفيها برك بالسيلوفان با مديرش طبقة
نبسط العجينة ماهي خشينة ما هي رقيقة على حسابك كيفاش تحبيها على الصينية
نثقبها بالفرشيطة ثم نضع فوقها ورق الطبخ ونفرغ اي حبوب جافة عندك باش متتنفخش مدة 15 د وممكن 20د على حساب فرنك ثم نخرجها ونحي الحبوب ونزيد نعاود نقلبها لمدة 5 باش تتحمر وتطيب
هاهي طابت شوفو كيفاش محمرة ومقرمشة هكذا نحبها
وترراررررررررررررررررررررررا هاي واجدة واش نقلك والله البنة لا تصدق حامضة وبنينة ولي تحب تكسرلها الحموضة تدير فوقها ميرانق وشهية طيبة
يعطيك الصحة
الله يعطيك الصحة
شكرا على الوصفة حبيبة
