بما انو رانا في موسم الفراولة التي نموت عليها قررت ندير تارت بالفراولة نفرح بيها خاوتي
نبداو بسم الله المقادير
للعجينة
250 غ فرينة
125 غ زبدة طرية
قرصة ملح
صفار بيضة
3 مغارف تع ماكلة ماء
2 مغارف سكر ناعم
للكريمة باتيسير نحتاج
40 سل حليب
بشر ليمونة او الفانيلا حسب الذوق
4 صفار بيض
40 غ نشاء
100 غ سكر
نص كيلو فراز
التحضير
العجينة
نحك الفرينة مع الملح و الزبدة جيدا حتان تدخل الزبدة في الفرينة مليح ثم نضيف رشة ملح السكر صفارالبيض و نخلط و نلمها بالماء
نحطها في كيس و نحطها ترتاح في الثلاجة لمدة ساعة
في هذه الاثناء نضع الحليب مع 50 غ سكر بشر الليمونة في كسرونة فوق النار حتان تسخن مليح
في وعاء نضع النشاء صفار البيض و و50 غ السكر الباقية ونخلط مليح بالباتو حتان تشوفو الخليط بياض
يكون الحليب سخن صبيه فوق الخليط و اخلط قليلا ثم اعيد الكسرونة و ضعيه فوق النار وحركي حتان يعقد نحيه من فوق النار حطي من فوق شوية زبدة باس الكريمة ماتيبسش من فوق و خليه علا جنب تاني قطعي لفراز نتاعك و زيديلو قطرات من منكه تع اللوز و مغرف سكر و خليه علا جنب
خرجي العجينة نتاعك من الثلاجة
حطي شوية نشاء منالتحت ومن الفوق باش ماتلصقش
العجينة ماتكون خشينة ماتكون رقيقة بزاف تحطيها في الصينية نتاعك
بواسطة شوكةتعملي ثقوب لكن من الفوق الفوق يعنيمالزمش الفرشيطة تلحق حتان التحت و الا لاكرام نتاعنا راح تحبط التحت او ماتجيش مليحة اعدليها مليح
حطيها في فرن مسخنمسبقا على درجة حرارة 180 درجة لمدة 15ساعة الي 20 دقيقة
كي تطيب خليها تبرد شوية امبعد حطي الكريم باتيسير نتاعك و زينيها كيما تحبي
وخليها حتان تبرد و زيدي دخليها للثلاجة على الاقل نصف ساعة باش لاكريم تحكم روحا مليح وامبعد
تنجمي تقطعيها و بصحتك للامانة مازال مادقتهاش رانا نستنا في خاوتي يجيو باه نكلوها مع بعض
كم
قيد التجريب ههههههه
تاكلوها بالصحة
اليوم جات في بالي وقلت منبعد نحوس على وصفة مليحة
راكي سهلتيلي المهمة ربي يحفظك
ان شاء الله قيد التجريب
بارك الله فيك اختي
بحتكمممم اختي
خرجت تهبل
