من تعرف الكبابة و ماهي استعمالتها
السلام عليكم ورحمة الله وبركاته الكبابة اختي ام المجاهدين حبات اكبر من الفلفل الاسود شوية وتستعمل في طياب اللحم باش يطيب مليح انا نستعملها كذلك في طيلب القهوة والاخوات راح يفيدوك اكثر
اختي م المجاهدين والله سؤال ثاني انا حيرني ان شاء الله يجابوك لاخوات ونستفادو كامل وهل يساعد لنضج اللحم والا يمدلو طعم مميز
نعم اختي عاشقة الجنان راهي عندي في الدار خدمت بيها اللفاح نحوس كيفاش نستعملها وحدها وفي اي نوع من صلصات
السلا معليكم ورحمة الله وبركاته في الحق انا نديرها في صوص الروز مع حب الهال وحبات من القرنفل اما وحدها مانعرفش ان شاء الله الاخوات يفيدوك
اختي عاشقة الجنان راني كثرت عليك الاسئلة ديريها فقط في الارز وهل صوص حمرا ولا بييضاء ودريها حب ولاترحيها ربي يرزقك الجنة انشاء الله
السلام عليكم ورحمة الله وبركاته ماتقوليش هاكة رانا خوتات هنايا باش نساعدو بعضنا راه الميكرو عندي ثقيل المهم انا نديرها حب ما نرحيهاش وتندار في صوص حمرا او بيضاء ونزيدك هي تطيب اللحم مليح
لك الف شكر اختي عاشقة الجنان
اختي الكبابة تجي حبات سوداء بنية تقريبا كبيرة الحجم تباع مطحونة وبدون طن كيما تحبي.اخي يديروها في الحشو تاع البوراك مع النجمة تجي بنين.ويديروها كذلك في المحمر تاع الخروف مطحونة او حبات.وتقدري تضيفيها مع النجمة في حشو المحاجب. وتضيفها حشو البتزا الرز ملقي.لا تستعمل في الشورابات او مرق الخضار…(اختي الي فيها البواسير تحذر منها مطحونة ومن الفلفل الاسود).
لك الف شكر اختي راني لقيت ايضا انه ممكن تحطيها مع الغرس
السلام عليكم احنا في وهران نستعملها في الحشوة تع المقروط مع القرفة والفرينة المحمرة والعسل وشوي زيت.