السلام عليكم بنات انا اول مرة نشري لعدس الاحمر بدون قشور شكون طيباتوا وعطوني طرق لطيابوا
راني نبحث في جوجل عن طريقة عمل لعدس الاحمر
راني نبحث في جوجل عن طريقة عمل لعدس الاحمر
لكن يكون بدون لحم
وقيلا يعيطولو عدس تركيا على مــآ أظن
ان شاء الله يفيدوك الاخوات
ان شاء الله يفيدوك الاخوات
الله اعلم هذا شكلوا لقيت اسموا العدس الاحمر 
نسمعهم يقولو عدس تركيا ،، ان شاء الله يعاونوك البـنــآت
بارك لله فيك حبيبتي راني بحثت عليه ولقيتوا نفس العدس العادي في الاعداد
انا نطيبو كيما العدس العادي يعني نقلي حبة بصل مع لحم او دجاج مع شوية فلفل اسود وملح ونزيد الخضار لي تكون عندي ممكن حبة بطاطا وحبة زرودية وحبة كورجات او لفت اذا كان عندك وشوية كرافس كي يتقلاو مليح زيدي ملعقة طماطم مصبرة مرقي بما سخون من بعد كي تكون الخضار واللحم قريب يطيبو نضيف العدس بعدما نكون غسلتو مليح لانو يطيب تم تم ما يطولش من بعد نرحي الخضار ونرجع للفرن مدة 5دقايق ونطفي .
ان شاء الله تكوني فهمتيني .
ان شاء الله تكوني فهمتيني .
صح يطيب كما العدس العادي لكن ياخذ وقت اقل في الطياب يعني ما تضيفيهش من الاول ضيفيه مع الاخير.
تقدري طيبيه بنفس الطريقة وبدون لحم ديري الخضار فقط.
السلام عليكم ذكريات نعطيك الطريقة الصحيحة للعدس الاحمر ماشي كيما العادي لا
ديري فالكوكوطة 2 حبات زرودية مقطعين دوائر+ 2 حبات طماطم + 2 م ك زبدة+ ملح + فلفل اسود+كمون + 125 غ عدس احمر و قلي امبعد مرقي فوق العدس لازم تعوميه شوية ههههه امبعد اغلقي و خليه يطيب ميطولش بزاف و اذا تخافي متعرفيلوش شحال وقت متغلقيش لانو ميشدش فالطياب و اذا غلقتي و خليتيه بزاف يشيط كي يطيب ارحيه فالميكسور و ذوقيه اذا خصو الكمون زيدي شوية لانو هو لي يبننو و بصحتكم
ديري فالكوكوطة 2 حبات زرودية مقطعين دوائر+ 2 حبات طماطم + 2 م ك زبدة+ ملح + فلفل اسود+كمون + 125 غ عدس احمر و قلي امبعد مرقي فوق العدس لازم تعوميه شوية ههههه امبعد اغلقي و خليه يطيب ميطولش بزاف و اذا تخافي متعرفيلوش شحال وقت متغلقيش لانو ميشدش فالطياب و اذا غلقتي و خليتيه بزاف يشيط كي يطيب ارحيه فالميكسور و ذوقيه اذا خصو الكمون زيدي شوية لانو هو لي يبننو و بصحتكم
وعليكم السلام ورحمة الله وبركاته اولا حبيبتي هذا العدس غني جدا بالفيتامينات ومليح لفقر الدم انا كنت نديره لبنتي مثل لاسوب لانها تبغيه بزاف بهذه
الطريقة وهي تطيبيه عادي مثل العدس تقدري مديريش اللحم وبعد مايطيب نرحيه فالميكسور.
شهية طيبة