انا طالبة
كنت في سنواتي الماضية متفوقة ماشاء الله
لكن هاد العام عندي بكالوريا
وبالاخص من نهاية عام لي فات يعني نهاية سنة ثانية ثانوي
بديت نكره ونمل من القراية
لدرجة انو بعدما كنت نجيب معدلاتي 15 و 14
هاد المرة جبت 9والثاني8
مع العلم انو رحت رقيت وكانت هديك اول مرة نروح نرقي
وقالي بيك عين ونفس لانو كي يجبدلي القراية نولي غير نبكي
ومدلي رقية في ماء وصراحة انا ما داومتش عليها
وحاليا حاكمني كره على القراية
نحب نقرا بصح كي نحكم كراس وكتاب نكره ونحس راسي يوجعني ويتصدع
حتى نحبس باش نرتاح
وليكول مانروحش والا رحت نروح الصباح والعشية مانرجعش
بواش تنصحوني؟؟
مع العلم انو مابقاش للباك الا اقل من شهر
والرقاد في الليل منيش نرقد من التخمام
خايفة نفشل ماما ونحطم امنية بابا
متراطيش الاستغفار و قراءة القرآن و الصلاة خاصة الفجر
ربي ينجحك
و تفسيره راجع للاشارج نتاع الدروس و ستراس نتاع القراية خاصة الباك لانه مرحلة حاسمة فيصيبك بلوكاج
و عجز عن المراجعة و التركيز و الحل تيقني بربي و استغفري و حاولي تركزي على دراستك
ربي يوفقك مرحلة و تفوت ان شاء الله
و حطي في بالك نتيجة اي عمل ربح او خسارة حسب عملنا
ربي يوفقك و يعاونك
كما ذكرو ايك الاخوات داومي على صلاتكي اكثري الاستغفار وانا اقول لكي داومي على قراءة سورة البقرة فلن يصبك الا ما كتبه الله لك وكذلك اذكار الصباح المساء واكثري الصدقة
أم سلبية
دائما أقول لتلاميذي قولوا لأنفسكم شيء واحد فقط إن كان هناك 1من مليون راح ينجح راح يكون بإذن الله ومشيئته أنا إعطوا لأنفسكم رسائل إيجابية بدل من تعبت وعيت ومليت قولوا نستطيع ونقدر ونحاول
هذا طبعا لن يكون مجديا بدون القربى من الله بكثرة الإستغفار والصلاة والدعاء
وفقك الله بنيتي ونسمع عليك أخبار الخير
راسة وانساي التفكير السلبي كلنا مرينا بمراحل مثل هاذي لكن الحمد لله ربي وفقنا
ديري نصب عينيك الحلم لي راكي حابة تحقيه من وراء الدراسة وقبل كل شيء حاولي تفرحي والديك
يا الله مازال مافاتش الوقت مادام انو امتحان البكالوريا مازال مالحقش حتى ولو باقي عليه يوم واحد شدي الحمة وابدئي بالتفكير الاجابي ولازم انك انت تتاكدي في قرارة نفسك انك راح تنجحي
