بسبوسة بجوزالهند سهلة ولذيذة 2024.

السلام عليكم اليوم حبيت نوريلكم البسبوسة اللي عملتها وجات هايلة وبنينة
انا كنت نستعملها بلا جوز الهند ولقيت الوصفة في احدى المنتديات وجربتها وجات احلى
المقادير
زوج كيسان سميد عادي
كاس جوز الهند
كاس زيت
كاس سكر
كاس حليب بارد وسائل
م كبيرة قشور الليمون
م ص فاني
زوج باكيات خميرة نوارة
نصف مغرف صغيرة ملح
ثلاث بيضات كاملة
ثلاث مغارف ماء الزهر
اولا تخلطي المكونات الجافة مع بعض الا الخميرة وزيدي الزيت ثم الحليب وخلطي مليح ومن بعد زيدي البيض بالواحدة وخلطي وفي الاخير باش تضيفي الخميرة وخلطي ادهني الصينية بالزبدة وحطيها في الصينية وادا حبيتيها خشينة اي حجمها حطيها فيصينية صغيرة شوي وادا حبيتيها رقيقة حطيها في صينية كبيرة شوي يكون الخليط سائل شوي كيما في الصورة

سخني الفرن من قبل على 180د
وحطيها في الرف الوسط وخليها طيب كي تحمار شوي طفي على الفرن وشعلى من فوق وخليها تحمار شوي
ومع تخرجيها اسقيها بالشاربات تكوني حضرتيهم من قبل وتكون باردة الشاربات
او العسل المخفف بماء الزهر واسقيها وخليها تتشرب يوم ومن بعد قصيها
اتمنى تجربوها
سلام

امممممممممم جاتك على الكيف
الله يبارك عليك حبيبتي أطياف

ياريت جيتي قدامي والله مهي خسارة فيك عزيزتي

بصحتك عزيزتي ومشكورة على مرورك العطر