وش راكم يا حراير حواء الجزائر
موضوعي اليوم باش نسقسيكم بارك الله فيكم على les draps
من نهار تزوجت و انا كي نشري لي درا نشري غير قطعة وحدة باش نفرشها على السرير او باش نتغطو في الصيف
اما اغطية الوسائد فاعتمد على اللي يتباعو جاهزين يعني مانخيطهمش مع لي درا
وزيد الوسائد في اغلب الاحيان مغطيين باغلفة اللي يجو مع ال كوفرولي
بصح هاذي الخطرة حبيت نشري المجوعة كاملة
يعني drap لتغطية الفراش ونعملو housse
drap للتغطية
غلاف للمخدة الطويلة يعني المسند
و+ اغلفة للوسائد
عندي 2 اسئلة
قداه لازملي كتان علما انو المطرح تاعي 2 م على 1.80 م
هاذوك 2 اغلفة تاع الوسائد وش راح نعمل بيهم ؟؟؟اذا كان في الليل نتوسدو المخدة الطويلة
وكي نفرش السرير نغطي المخدة الطويلة بالكوفرولي و الوسائد الصغيرة لازم تكون بغلاف الكوفرولي
ممكن تقولو كي ماعندكش واش ديري بيهم علاش حابة تخيطيهم ؟؟؟؟ 
انا نقولكم هكذا شفت الناس في حوانيت القماش يشرو المجموعة كاملة
يعني انا اللي مانعرفش اتيكيت تغطية السرير 
يعني لو سمحتو اللي تعرف تجاوبني على تساؤلاتي ..ممكن كاين كيفي اللي مايعرفوش و خصوصا العرائس
بارك الله فيكم
اختكم حكيمة
مش لازم تكوني كيما قع الناس و كل واحد و راحتو
انا نقولك تحتاجي ما بين 6 الى 7 امتار من القماش . يكون بزيادة خير
ما دامك حابة تخيطي للمخدة الطويلة و للمخايد الصغار
و حتى لو كان يشيطلك القماش ديري بيه حاجة اخرى للغرفة مثلا فراشيات صغيرة بلاوات او لي بونج
ضحكيني يا ختي
رني حايرة الناس الكل يديرو حساب المخايد الصغار و انا لا
على هذا قلت المشكل فيا هههههههههه
راني نستني معاك لي عندهم خبرة في الخياطة يفيدونا و حبيت نسألك هل انت من تخيطهم ام تديهم لعند خياطة
الخياطة اللي حذانا مساعدتني
انا دائما نشري او نخيط لااوس + الدرا الكبير + مسند او المخدة الطويلة كيما قلتي و 2 غلاف الساترميات او الخاد كاري الكبار
و نفرشهم و انبعد نحط الكووات او الكوفر لي و نطبقو من جهة المخاد باه يبانو …هكا يكون السرير حطة و مليح
شوفي انا الحق نشري واجد كاين تاع NAF NAF روعة طليان و الالوان روعة عندي برتقالي كارو وات يهبل و اللااوس يني روعة و اغسلي و فرشي حتا الحديد ماشي دائما و حطة
و اذا حبيتي تشري و تخيطي هاذي حاجتك و لكن صدقيني الواجد الالوان ماينة و النوعية انت و مقدورك و اللون الي حابة
انا عادلي 3 سنوات شريت 12 م خيط لا اوس + الدرا + المسند + 2 مخاد كبار ..
الماتلا تاعي عادي
و لكن لما تقيسي تفكري الارتفاع تاع الماتلا من اجل لااوس
ربي يسهلك حنونة سالي
هذا البرتقالي شريتوا 2024 ، صدقيني للان تشوفيه تقولي جديد ثمن تاعو قريب 6000
و الان كاين يهبلو حنا هنا غالي كلش ، انتوما يكون عندكم رخيس
المهم كاين تاع الترك و ماشي ملاح
اشري طاليان و الا فرنسا ، كبار و ملا ح و كوني هانية اغسلي و فرشي
كان قدرت غدوا نصورو ا و نحطوا
صح غالي و لكن يحكم و حطا