ما خاب من استشار
عندي صديقه عزيزه عليا نحبها ونتمنى لها السعاده
اليوم جات عندي وقالتي راني حيرانه مانيش عارفه واش ندير
حكاتلي وقالتلي بلي تقدم لها واحد الشخص منصبو مليح ( رئيس مصلحة في شركه معينه)
يصلي في المسجد وصار قبول بينهم لما شافته
لكن مزال لم تتخد القرار لانو في شئين هما انو اكبر منها ب13 سنه يعني هيا عنها 26 سنه وهو عندو39
راها خايفه لهدا الشئ ياثر على حياتهم الزوجيه مع انو امها قالت لها انو الرجل لا يكبروبما انها تحكيلي كل شئ قالتلي انا خايفه انو بما انو وصل ل40 سنه وهيا مزالت في 26 انو لا يقوم بواحباته الزوجيه على الفراش الزوجيه يعني انو هيا مزال عندها طاقه كبير وقال انا نعرف روحي ويكون هو بدا يبرد جنسيا
والنقطة الثانيه انو اسمر
وانا التمست خوفها انها خايفه انو ادا رفضت هدا الشخص لا ياتي غيرو مع انو كل في علم الله
مع انو وعدها وكدلك امو بحياة سعيده وانو مايخصها والو معاه وقالت لها امو انو الايام بيننا ادا ولدي خسر معاك
هم متمسكين بها كثير
وقالو ليها انو مراحش يتاخرو كثير في تحديد وقت الزواج غير على حساب ما تجهز نفسها
البنات هيا دارت فيا الثقه وانا درت قيكم الثقه كل وحد عندها راي تقولو وربي يجازيكم خيرا
ويتقبل منكم الصيام وادعولها في ضهر الغيب انا قلت ليها انو البنات راح مايقصرو معاك
صح فطوركم
والعمر عمرو ما كان عيب
وزيدي قولي ليها غير ما تخافيش من ديك الناحية الراجل يكبر قد يكبر و ما يبردش جنسيا
ربي يقدر الخير
ولوفيه خيرتها ربي يجمع بيناتهم في لحلال عاجلا غير اجلا
اختي الراجل عمرو ميبان فيه الكبر
خاصة لكان بصحتو
وزيد قلتي انو يصلي مليح يعني اخلاقو مليحة
واسمر عليها شوفي العقلية لكان ابيض وعقليتو0 واش دير بيه
انا من رايي تصلي ركعتين وتتوكل على ربي
خلي صحبتك تتوكل على الله
ولي فيه خير ربي يجيبوا انشا الله
وراجل مايهمش كي يكون كبير او اسمر او الخ….
المهم الدين عندوا ومن ناحية ضعف الجنس اختي هذا علاجوا عند الطبيب
ونزيد نقولك
انا عندي بنت خالي يكبرها زوجها با14 سنة وهي معه مثل الجنة ومدللها على الاخر
وماناقصها والو
تعمل كما قولنا لها وتتكل على الله
allah allah mdalalha w 3azizha alih bezaf rabi ihanihm berk
انا راجلي كبير عليا ب11عام
مقلشني ومدللني
الراجل كي يكون يصلي ويعرف ربي
ما غاديش يظلمك ومن الناحية الجنسية
كاين الي فايت 60عام وقادر ياي واجبه
في الفراش.
اهم حاجة في خلقة ودينه قبل اي شيء
اما من ناحية العمر عادى عندى صديقتى تزوجت واحد اكبر منها بي 18 سنة
وعايشة معاه ماشاء الله
ربي يكتبلها الخير