اذا كتب ربي انشاءالله راه ندير الفاتحة ورا رمضان باذن الله تعالى اولا ادعيو لختكم اكملي ربي ويتمم على خير ويسهلكم واش تمنيتو .
وثاني حاجة بغيت تمدولي كيفيات تاع قاطو اكونو ملاح انديرهوم في الفاتحة انشاءالله
اذا قدرتو ياالغاليين على قلبي اكونو بالصور….
اقولولي كيجيو مالين راجلي لازم نمدلهم سنيوة قاطو ولا لا …. المهم نعتولي واش ندير
مانيش عارفة … مع العلم اني راح ندير في الجامع ماهوش عرس كبير يعني عايلتهم وعايلتنا هذا مكان …..نحبكم بزاف…
وهذي البوسة ليكم كامل ربي يرزقكم انشاءالله
اذا كان معندكش غاشي بزاف تقدري شحال من نوع يعني 4 على الاقل و من كل نوع تعملي الكمية لي تحتاجيها هكذا متكونيش كثرتي الكمية و نوعتي فيه احسن و تقدري تمي لمالين العريس صينية زينيها و الاختيار يرجع ليك ليك و حاجة مليحة
اما بالنسبة لانواع القاطو يا اختي معنديش افكار هربوا و كاين هنا في المنتدى بزاف مواضيع على استفسار كيما نتاعك مي لا علم لي في رفع الرابط الى موضوعك انشاء الله يفيدوك الاخوات و اذا صبت كاش مودال مليح راني نولي نحطهولك
ثانيا….اختي لما مكاش ناس بزاف متكلفيش نفسك……صنعي ثلاث انواع…و قريوش……
اختي فهمينا كيفاش ديروا في الجامع…..او يجو في البيت……المهم كلتا الحالتين……
اختي قدميلهم…..العصائر او المشروبات..مع القريوش…….
ثم قدميلهم الشاي والقهوة مع القاطو….
اختي مكاش الفطور……..اختي وضحينا باه نستفادوا……..
السلام عليك
امبعد راجلي اجيب ماليه والخاتم … فهمتي عليا يالغالية….
حبوبة و انا عندي نفس المشكل الفاتحة نتاعي مور رمضان .نعم اهدي لناس راجلك صنية نتاع حلوة مخلطة من كل مودال و يكون ملاح.المهم ادا لقيت مودلات نتاع حلوة شابين راني نعاونك وانت كذلك حنونة
اختي اذا تقدري…….قدميلهم……الحليب والتمر.( ليس على سبيل الاعتقاد….برك اكل وشرب لأن التمر مذكور فيه احاديث)…… ………….
ثم المشروبات………ثم القهوة………..ولك الاختيار……
اختي بارك الله فيك….هذي الفاتحة ليست من شرع الله…….اختي الامام يعقد
وخلاص……لا فاتحة لا شيئ آخر…….
اي سؤال نقدر نساعدك انا موجودة بإذن الله……
اختي رايحة نمدلك 4 انواع
المشكلة هذي رائعة
السلام عليكم اخواتي
عملت حلوى المشكلة وصورت الخطوات لان الكثير من الاخوات كي طيبوها يخرج الحشو ويجي يابس لذلك نحاول نعطيكم نصائح لنجاح هذا الحلوى
مقادير العجينة:
3كيلات فرينة
كيلة الا ربع زبدة التوريق ذايبة وباردة
م ص فاني
ماء وماء الزهر نبلو به العجينة
مقادير الحشو:
2كيلات لوز مرحي رقيق
كيلة جوز مرحي رقيق
كيلة ناقصة شوية سكر
1م ص فاني
بيض على حسب كمية الحشو
التعسيل
كيلة شاربات
كيلة عسل اصطناعي
التزيين:
مكسرات
بياض بيض
الطريقة
نحضر العجينة بخلط المقادير السابقة لازم تكون طرية ومتماسكة كيما عجينة البقلاوة نغطيها بغلاف بلاستيكي ونخليها ترتاح 3 ساعات قبل الاستعمال
من جهة نحضر الحشو نخلط الجوز واللوز والفاني نخلط البيض وحده ونضيفو تدريجيا حتى نتحصل على عجينة ملساء لاتلتصق في اليدين وهذي خطوة مهمة تخلي الحشو ما يخرجش غطيه وخليه يرتاحساعات قبل الاستعمال
بعد ذلك نرش شوية ما يزينة ونمرر العجينة في الة العجين لازم تكون رقيقة تقريبا بسمك1مم
<A href="https://[url=https://up.top4top.net/]
[/url" rel=nofollow target=_blank>https://
نبسط الحشو بالحلال على ورق الزبدة بسمك 1 ونصف سم ونحط الحشو فوق العجينة المبسوطة
https://
ونغطي الحشو بعجينة اخرى مبسوطة
https://
بواسطة قطاعة نقطع دوائر انا استعملت قطاعة قطرها 4 ونصف سم
https://
ثم ننقشها بالنقاش لازم كل ما نعمل كمية ننقشها بسرعة لانك اذا طولتي تولي العجينة يابسة وكي تنقشيها تتقطع
https://
نغطس انواع المكسرات لي عندي في بياض البيض ونثبتهم في وسط الحلوى وممكن نعمل ازهار بالعجينة ونثبتها باللوز او الصنوبر
نحطها في بلاطو فوق ورق الزبدة ونغطيها ونخليها ترتاح 4ساعات اذا كانت درجة الحرارة عالية اما في الشتاء نخليها4ساعات
https://
بعد ذلك نطيبها في فرن على 150 درجة لازم تبقى بيضا من الاسفل ثم نشعل عليها من فوق غير شوية ما لازمش تحمار
بعد ذلك نحضر الشاربات بخلط كيلة سكر مع كيلة ونصف ماء نخليه يغلي على النار مدة15د لازم لون الشاربات يبقى ابيض ولما يطيبو نكيل كيلة شاربات وكيلة عسل اصطناعي ونحط حبات المشكلة فيهم ونحطها تقطر في الكسكاس
https://
بعد ذلك نحطها في لي كيسات
https://
وهذا شكلهم عن قرب
https://
لكن من الافضل ما تستعملوش اللي كيسات نتاع لي ناب لان الحلوى تلتصق انا انتبهت وحطيتهم في لي كيسات عادي
https://
نتمنى تعجبكم طريقتي وتنجحو في تحضير الحلوى لانها تجي هاااايلة
حلوة الملفوف كذلك
المقادير
العجينة:
400غ مرقرين،200غ زبدة ستار،كاس سكر رطب،4بيضات الصفار نعملوه في العجينة والبياض في الحشو،2خميرة،فاني،كيلو فرينة،9ملاعق كبار حليب
الحشو:
2كاس نواد كوكو،كاس سكر رطب،4ملاعق كاكاو،4بياض بيض،كمية من الماء
الطريقة:
نحضر اولا الحشو نخلط النوادكوكو والسكر رطب والكاكاو ونرحيهم في الروبو وهذا لتسهيل عملية بسطه على العجينة نحط في اناء ونضيف بياض البيض وكمية من الماء لازم الحشو يكون
مطلوق شوية لتسهيل عملية بسط على العجينة
من جهة نحضر العجينة نخلط المرقرين والزبدة والسكر نخلط جيدا ثم نضيف صفارالبيض والحليب ثم الفاني والخميرة والفرينة
نقسم العجينة على ثلاث او اربع كرات
نستعمل النايليون نرش بشوية فرينة ونبسط العجينة بالحلال وممكن نرش شوية فرينة على الحلال لتسهيل عملية البسط ونرقها على قد ما نقدر كما هو موضح
://
ثم نضع كمية لاباس بها من الحشو ونبسط على العجينة
https://
نبدا نلف العجينة غير بالعقل ونحسب 6لفات ونقطع
https://
نتحصل على حربوش كما في الشكل
https://
بعد ما نكمل العجينة نحط الحرابش في الثلاجة لتسهيل عملية القطع
بعدها نقطعهم مربعات وندخلهم يطيبو في الفرن على درجة حرارة 180درجة لما يطيبو من الاسفل نشعل من فوق حتى ياخذو لون خفيف فقط
https://
ما يبردو تماما نغطسهم في شكولة مذوبة على حمام مائي ونزينهم من فوق حسب الرغبة وهذا شكلهم النهائي
https://
وهذا شكلهم من الداخل
https://
و شوفي هذا تشاراك مسكر مخدوم بالعجينة السحرية (و هاذ العجينة يا أختي تقدري تخدمي بها اي حلوة معسلة أو مرمدة في سكر قلاص أو بالقلاصاج يعني كيما العرايش و دزيريات و انا شخصيا جربتها خفيفة و بنينة )
المقادير:
كيلة سمن ذايب وبارد
كيلة زيت
كيلة حليب سائل
فرينة
https://
نخلط السمن مع الزيت والحليب ونضيف الفرينة تدريجيا حتى نتحصل على عجينة متماسكة مالا زمش تكون طرية يعني تكون حاكمة روحها لانها مبسسة مليح واذا كانت طرية كي نحطها تطيب ما تحافظش على شكلها
https://
نشكل كويرات انا عملتهم بحجم 28غ ولي تحب حجم صغير تعمل اقل
https://
نغطيها ونخليها ترتاح
من جهة نحضر الحشو
انا عملت نوعين من الحشو
الحشو الاول: الحشو لي متعاودين عليه
3 كيلات لوز مرحي،كيلة ناقصة شوية سكر،قرفة،زوج م ك زبدة ذايبة
https://
ونلم بماء الزهر مالازمش نكثر لازم يبقى الحشو متناثر
الحشو الثاني:
كيلة ونصف كاوكاو محمص ومرحي،كيلة جلجلانية محمصة،كيلةحلوة الترك،معجون نلم به الخليط
https://
ناخذ كويرة من العجينة نبسطها بالطول ونحط كمية من الحشو
https://
نلف الحلوى وفي نفس الوقت نحاول نخرج الهواء منها
https://
ونعطيها شكل التشاراك
https://
ندخل الحلوى تطيب ونخليها تبرد تماما
في هذا الوقت نحضر الشربات:
كيلة سكر+3 كيلات ماء نحطهم على النار ونحسب 15 د بعدها نضيفلهم شوية عصير ليمون ونطفي
بعدما تبرد الشاربات نغطس فيها الحلوى ونحطها تقطر في كسكاس
ناخذ كيس فيه سكر رطب نحط فيه حبة التشاراك ونغلق ونحرك نحط الحلوى فوق مشبك حتى تبس ونعاود نحطها في السكر الرطب كيما المرة الاولى وعند التقديم نرش فوقها سكر رطب بالصفاية وهذا شكلها
https://
https://
نتمنى تعجبكم الوصفة وتجربوها لانها فعلا تذووووووب في الفم وبنينة بزاف سواء بحشوة اللوز او الكاوكاو
في امان الله
و تقدري حتى ديري ليصابلي بهاذ الشكل الجميل
المقادير:
250غ مرقرين،125غ سكر رطب مايقارب كاس،كاس نشاء،بيضة،م ص خميرة الحلوى،فاني،فرينة
للتزيين:
لوز ايفيلي محمص،سكر رطب،معجون
الطريقة:
بواسطة الخلاط الكهربائي نخلط المرقرين والسكر جيدا ثم نضيف البضة والفاني ونستمر في الخلط ثم النشا والخميرة والفرينةحتى نتحصل على عجينة نجمعها بدون ما نعجنها
نبسطها بالحلال ثم نمرر عليها الحلال المزخرف
بواسطة طابع مربع نشكل مربعات
https://
نحطها في البلاطو لي راح نطيبوها فيه ونعاود نشكل مربعات اخرى ونقسمها على اثنان
ندخل الحلوى تطيب ولازم يبقى لونها ابيض
بعد ماتطيب نخليها تبرد
ناخذ مربع ونحط فوقه شوية معجون ونحط فوقه نصف مربع والنصف الاخر نحط فيه اللوز ايفيلي
ثم نرش السكر الرطب على اللوز ايفيلي وتقدم وهذا شكلها
عن قرب
https://
او حتى لغريبية لأنو دك ولات يديروها حتى في الأعراس
المقادير:
كيلة سمن ذايب ونحطوه في الثلاجة حتى يجمد
كيلة ناقصة شوية سكر رطب
كيلة كاوكاو محمص ومرحي رقيق
4 م كبار فرينة محمصة
فرينة
https://
بواسطة الخلاط الكهربائي نخلط السمن مع السكر جيدا حتى يبياض لون الخليط بعدها نضيف الكاوكاو ونخلط ثم نضيف الفرينة المحمصة وبعدها نضيف الفرينة العادية حتى نتحصل على عجينة ماتكوةن يابسة ماتكون طرية بزاف لان اذا كانت العجينة يابسة الغريبية تجي يابسة واذا كانت العجينة طرية كي تطيب الغريبية تهبط وتفقد شكلها
نبسط العجينة بالحلال وبواسطة مول اوكاس نشكل هلالات
https://
ندهنهم ببياض البيض ونحط فوقهم كاوكاو محمص ومدشش
او نشكلها بطابع الخاص بالغريبية
https://
ندخلها لفرن متوسط الحرارة تطيب مع مراقبة الطهي
بعد ماتطيب نخليها تبرد تماما
هذا الشكل الاول بعد ما يطيب نرش عليه القليل فقط من السكر
https://
وهذا الشكل الثاني لما يطيب نحط في الوسط شوية معجون وشوية كاوكاو مدشش
https://
و ديريلهم سنيوة بقلاوة ترجعيهالهم أو اي حلوة من إختيارك نتمنى يكونو عجبوك
اختي ربي يسهل……….ننتطر جديدك….ان شاء الله……….
سلامي الحار لك……
ماشاء الله ارجو منكي المزيد من الوصفات الجميلة تسلم اديك