السلام عليكم اخواتي اولا اريد ان اتمني لكم عيد سعيد و كل عام و انتم بي خير ثانيا كلنا لدينا مشاكل كبيرة ربما تذكرتوا همومي لكن اتمني ان نبدا جميعا صفحة جديدة مع كل من جرحنا ماذا قلتم انسطتيع
أنا دايمن نقول المسامح كريم، كامل نغلطو و نحبو نتسامحو، حتى و يكون الضرر و الجرح كبير و عميق، نسامحو معليش، بصح لا يعني نتساهلو أو نحملو الذل و الإهانة، فالمسامحة شيء، و الذل شيء آخر، نقدرو نسامحو مع المحافظة على كرامتنا، و هنا كل واحد و طريقتو، كاين اللي يسامح و يقطع الاتصال مع هذاك الشخص، و كاين اللي يسامح و يخلي الشخص في حياتو بصح ما يعاملوش كما كان من قبل
و انتي كيفاش أختي تاج ملاك؟؟؟
يا اختي صحيح الذل لا يحمل لكن الضروف هي التي تتحكم في بعض التصرفات لا اقطع اتصالي مع الشخص لكن اصبح اتعامل معه بي تحفض ما نحكيش معاه بزاف المهم يكون هناك حاجز يعني تتبدل المعاملة
انا صعيب عليا بزاف اني نسامح رغم اني نتعامل مع اللي جارحني عادي
و الله باش تسامحي واحد جرحك جرح كبير و تعاودي تولي معاه كيما كنت جهاد عظيم منظنش نقدروا عليه احنا النساء
المهم اللي غلط و استعرف بالغلط تاعو و ندم ربي يسامحو
مي اللي حاسب روحو غير هو الصح و يشوف فيك والو قدامو هداك انا مانقدرش نسامحو و ما نقدرش نرجع كيما كنت معاه و بيناتنا ربي
المهم اللي غلط و استعرف بالغلط تاعو و ندم ربي يسامحو
مي اللي حاسب روحو غير هو الصح و يشوف فيك والو قدامو هداك انا مانقدرش نسامحو و ما نقدرش نرجع كيما كنت معاه و بيناتنا ربي
merci pr votr sujet ja fi wekto sah el mosamaha haja w dol w el ihana haja wahdokhera allah yahdi ljami3 w 3id sa3iddddddddd mini ilaykom ya ahla wa arak wajmal banat el jazaire
