طريقة الكرواسون علمتهالي اختي كي تعلمتها في ليكول تاع الحلويات وحبيت نفيدكم بيها
وانبه ان الصور للتوضيح اخذتها من منتدى اخر لكنها متطابقة مع الطريقة تماما
وراهو يجي خفيف ومقرمش اذا طيبتوه على درجة حرارة متوسطة 170 درجة هكدا يطيب من داخل وميبقاش معجن لانني المرة الاولى قويت للفرن تحرقلي من برا وجا معجن من داخل
اولا مرغرين للتوريق تاع صالحة نديرو نصفها ونحتفظ بالنصف الثاني بالثلاجة لاستعمال آخر والنص اللي رح نستعملوه نخلوه على جنب ونبدأ في صنع العجينة بالمكونات التالية:
500غ فرينة
م كبيرة خميرة خبز فورية
5ملاعق كبار سكر
ونجمع بماء دافيء ونخليها ترتاح 20دقيقة
وفي هذه الأثناء نفرد الزبدة
هنا بعد التخمير
ثم تفرد
ثم تضع الزبده فى المنتصف بعد ما نضربوها مليح بالرولو او القنوط
ومن بعد نطوي الطرفين اللي على الجوانب على الزبدة
ثم الطرفين الاخرين
,من بعد نظربوها بالرولو حتى تتحل ونحللوها نورمال لكن برفق باش متخرجش الزبدة من الجوانب
ثم نطوى الطرف الى نصف العجين ونضع فوقه الطرف الاخر
وهذا اول دور نخلوها ترتاح في الثلاجة ربع ساعة
ونعاودو نحلوها ونطبقوها بنفس الطريقة اللي فاتت
ونعاودوها في كل مرة
المجموع 5 ادوار
وفى اخر مرحله تفرد ب نصف سم بتكون رقيقه نوعا ما ولكن برفق باش ميفسدوش الطبقات من داخل وباش متجيكش معجنة
ونقطعوها بهاد الشكل
,هنا تقدري تحشيها بشوكولا احنا نص حشيناه ونص خليناه
ثم تضع فى الصنيه غير مدهونه
ونتركها تختمر مره اخرى ؛تى تطلع مليح انا نحطها فوق الفرن حتى تطلع
وندخلوها الفرن على درجة حرارة متوسطة(لازم)او اقل من المتوسطة وخليه يطيب براحته راح يدي وقت طويل شوي باش يطيب من داخل
وتحسيها خفيفة في يدك ومتحسيش فيها عجين من داخل
هنا بعد ماتخرج
وهذا الصحن لاول وحدة ترد 
،تمنى تجربوه لانه مضمون وخفيف ويشبه لتاع برا سورتو اذا خليتوه يبات بصح غلفوه ببلاستيك مليح باش مييبسش
ملاحظة:تقدرو تدهنوه من فوق ببيضة كاملة+نيسكافيه+سكر
او حسب الذوق 
اي استفسار او نقطة غير مفهومة راني هنا باذن الله 
موضوع راااائع وطريقة مبسطة تسلمي غاليتي
ربي يحفظك ياساجده
