الروتين راح يقتلني اعطوني حل 2024.

:19_61 :كليوم كيفكيف لينديرها الصباح نعاودها العشيا صحيح اني متوفر عندي كلشي بصح انا مليت الزوج تاعي مايخلينيش نخرج نروح غي الدارنا بصح انا مانيش نبغي انروح لان الاهل تاوعي ساكنين في بيت الجد يعني عايلة كبيرة راكم عارفين الفوضة لي يديروها الاطفال تاع دروك وصراحة انا مانبغيش نخرج من مرا راجلي الراس تاعي راح يطردق وليت عصبية بزاف وقاع النهار وانا نقرش يعيا يعيا راجلي وغادي يكره وليت نضب ولادي بزاف وحكمني التوسويس حتى رحت عند الطبيب وعطاني الدوى حيا تاع مكان والوا طيحلي المورال نكون مليحا غي ولادي يزعفوني نتنارفا عيت نهدر مع الزوج تاعي باش يخرجني مرة على مرة يقولي روحي الداركم ولا عند لفامي المشكل انا منبغيش انروح لديار غي كيفكيف الحس تاع الاطفل مانقدلهش خاصة كي يتلاقاو راني خايف ايلا هدي المشكلة تهدملي داري مع العلم انني متزوجة في 10سنوت وام ل3اولاد ارجو المساعدة

قولولي حنا النسا مكتوب علينا الشقا ولا واش

واش تبغي هادا هو الله غالب

انت سوف تحطمين منزلك بنفسك كيف تقولين 10سنوات متزوجة وممللت من المنزل اعذريني قد اكون قاسية في ردي فالانسان لا يشعر بالنعمة حتى تذهب عنة املئ فراغة بتعلم حرفة احسن لكي من ان تستمعي لى وساويس الشيطان

يا حبيبتي فهميني انا مقلتش مللت من المنزل النا الزوج دالي يبغي كلشي هو يشريلي ملابسي وملابس ولادي وهو يديهم عند الطبيب كل شيئ هو يديره حتى الملابس الداخلية تاعي هو يشريها مرات نقول معنديش قاع شخصية هو عنده صحابه مرة يروحو يشوا مرة يروحوا للحممات وفالليل مايجيش حتى بكري وكل شهررمضان يروح للعمرة تخيلي كل عام نفوت رمضان والعيد انا ووليداتي الصغار يعياو الناس ومايجو نيش كيما راجلي هو صاحب ناس في العمرة وكي جاو هنا قعدوا يتلاقاو هادي حيا مليحا بصح بزاف ولا الخدمة تاعه مايقابلهاش هو عنده قهوة حتى كي نبغو نفطروا ولا نتعشو يعيطوله ولا عايش غي معاهم هاد الشيئ ولا يزعجني

يا اختي ربي يعينك رانا كامل كيف كيف و زيد نقولك انا بعيدة على اهلي يعني نروح مرة في شهر و لا شهرين و حتى لولاد ماكانش و الخدمة ما كانش و تخيلي و الحمد لله والفت شوية و تاقلمت مع الوضع،احمدي ربي ليلا و نهارا على النعمة اللي راكي فيها و اشغلي روحك بولادك و راجلك و دارك و استعيذي بالله من الشيطان

انا اسفة ان لم يعجبكي كلامي فانا اسحبه