البركوكس من كوزينتي 2024.

السلام عليكم ورحمته تعالى
جمعة مباركة عليكم يالحبابات
اليوم تشهيت ليكم هد العيش وكاين لي قولو البركوكس على طريقتي
بسم الله نبدا
في كوكوط حطيت الدجاج +2حبات زرودية+حبة كبيرة بطاطا+حبة كورجيت+حبة لفت+بصلة+2حبات طاطم +4فصوص من الثوم+معدنوس+والفلفل اكحل+سكنجبير+زعفران+و2جمبو+كمون+والزيت نعملتهم على النار حتى تقلى الكل وضفت الماء وخليتها طيب
ندوزو للبركوكس لي مفتول بادايا
نشمخو في الماء ونعملو يفور 2مرات
لما تطيب الرق نحي اللحم ونطحن الخضر ونعملها في قدر كبير ونضيف ليها مغرف طماطم كونستري ونضيف توابل ومعدنوس مقطع ونضيف بركوكس مفور ونخليه يطيب

ونخليكم مع الصور

نتمنى يعجبكم

الله الله راك حرة بنت الحراير بصحتكم العيش …..يبان يشهي ….ابعتلي شوية دوك نجيك هههههههههههه

alalh alah 3lihhhhhhhhhh alah yebarek jewa3tini surto m3a hado lyémet ta3 chetaaaaaaaaaaa

امممممممم يميمي باين يشهي ماشاء الله
يعطيك الصحة اختي

مرحبا والف مرحبا تفضلي الدار دارك
ونشكرك بزاف والله دائما منورة صفحتي

عندك الصح مع هد البرد والشتاء مينفع غير العيش
شكرا لمرورك

الله ييبارك قعدة عربي تشهي يعطيك الصحة بركوكس يهبل حنونة بصحتكم

شكرا لمرورك العطر

اممممممممممممممممم شهيتيني وسخفتيني ذقتو منا من الفوتو وعجبني بزاااااااااااف تعيشي

والله يالحبيبة الاتقولي كنتي معانا قعدة عربي اليوم شفت شميسةوقولت ليهم اليوم نفطرو في الحوش بركانا من طبلة وكراسا وقعدنا برا على الحصيرة
بارك الله على مرورك العطر