جبتلكم اليوم بعض الافكار الجميلة كيما قلتلكم انا جد بيتوتية نحب الدار و خاصة المطبخ و الزرع
وهاذ الموضوع تكملة للموضوع الي سبق
افكار و اكسسوارات للبيت
نبداو هاذ الفكرة تجي في البالكون تاع الكوزينة خاصة في الشقق طبقتها و خرجت مليحة تقدري في مكان القارورات تستعملي اواني الزرع العادية ماهيش غالية
هاذ الفكرة مليحة تجي فالمطبخ ثاني تتحط فيها اكسسوارات المطبخ
هاذي هاااااايلة جربتها في مطبخي خدمهالي زوجي لكن الرفوف عملتهم زجاج يجيو هايلين خاصة لو عندك زاوية في المطبخ فااااااااااااااااارغة
هاذ القارورات الزجاجية تاع خل او تستعملي قارورة العطر الفارغة تلصقي الشريط اللاصق فوقها و من بعد ترشي القارورة كاملة بالسبراي المناسب يفضل يكون شفاف منبعد تنحي الشريط اللاصق و تعمري القارورة ب ماء الورد المفيد للبشرة انا نستعملو بزاف مليييييييييييييييييييح او تملايها بورود جافة او مبشور الصابون المعطر( بعد ما تيبسيه فالشمس تبشريه) يكون بالوان تحطيه طبقة بطبقة ثم تربطي عنق الزجاجة بدبول(شرائط حريرية) مناسبة اللون و تحطيه فالحمام على الرف بااااااااااااااااهي
كي يبقاولك كيسان فرادى جربي هاذ الطريقة رائعة و حتى تقدري تملاي الكؤوس بالورد و تحطيها في اقرب مكان لباب المنزل مثلا فوق سطح خزانة الاحذية اعزكم لله انا حاطة طبق من الحلفا مليء بالورد المجفف و وزعت حول الطبق حبات كريستال و كوكياج و شموع صغيرة تجي رائعة طبعا عدم المبالغة في وضع الاشياء لبساطة المنظر و ثاني باش ما تتعبيش من بعد في لم الاشياء الصغيرة كي تجي تمسحي الغبرة ههه
لي عودة اذا اعجبكم الموضوع
و السلام تحية الاسلام
و ان شاء الله تزوجي روسيكادة و يكون عندك احلى بيت
برك سؤال واش احوال الاكسسوارات مع الاطفال هههه
وكي يرزقني ربي (ادعيلي) كل ما يطوالو نعلي عليهم الاكسسوار حتى يولو يفهمو