اعطوني حل 2024.

السلام عليكم واش راكم

ان شاء الله تكونوا بالف خير وعافية وصحة جيدة انا مراهقة عمري 17 سنة عندي اخوات عندي اختي اكبر مني متخرجة وتخدم
راكم تعرفوا شغل البيت ميفرغش حنا في دارنا مقسمين لماعن نهار بنهار انا واختي الاكبر مني نهار نتاعي انا نغسل ونظف كل في الكوزينة ونهار نتاع اختي هي تبقى قاعدة وحاكمة بورطابلها ومتحبش تخدم الا وتنوض امي تغسل لماعن نتاعها وامي عندها الروماتيزم مطيقش الوقاف طول النهار ومنبعد يما تولي تشكيلي نروح انا نقول لاختي ماشي كيما هاك ونتعارك انا وياها على جال امي من بعد امي تجي معاها هي وتقلي انتي الظالمة وتقلي وش دخلك وهي ولات ضياف عندنا وانتي لي تقومي بدار كامل
هههههههه معرفتش واش ندير معاها ساعدوني لي عندها حل تقلي عليه راني تعبت

السلام عليكم و رحمة الله تعالى و بركاته
اختي باش ما تكسريش راسك رغم انك مش غالطة لكن ديري كيما قالتلك ماماك ديريها كي شغل ضيفة ما تتعانديش معاها و اخدمي الشغل اللي تقدري عليه و حاجة مليحة كي تكوني شاطرة و قافزة فالشغل تلقايه من بعد كي تتزوجي تكوني قادرة تتحملي المسؤولية
ربي يعينك

ههههه كيما قالولك كي يعود في جهدك تخدمي ما تعنديهاش تتحسبلك يا الشاطرة

حبيبتي ماعليه اختك اتدير هكذا باسكو كبرت
وتعلمت كل شئ
راهي تدير هكذا باش تتعلمي انتي المسؤولية
وتعودي قادرة على الاشغال
عاااااااااااااااااااااااادي
ديري الي تقدري عليه
كانها مش موجودة وعاوني ماماك
بالعكس يجي النهار الي تحمدي رابي
راكي تعلمتي اوكي حبوبه

داسري ختك وحاولوا تغسلوهم معا بعض ومين تكونو تغسلو حكو مابيناتكم هاكا ختك غادي تنجذب الكي وتولي هيا تبغي تغسل معاك باش تحكي

مسكينة حبيبتي اشفقت عليك كثير لكن والله عجبتيني لانك ما قدرتيش تسمعي شكوى امك وتصبري اذا خدمي دالتك وكي تلقاي امك تعبانة وتخدم دالة اختك الكبيرة عاونيها والله ما يخيبك الله ومع الوقت اختك راح تغير من حبك لامك الغالية ….بر الوالدين هو باب الخير الذي لا يغلق الا بموت الوالدين….