ارواحو تسمعوا يا حراير 2024.

ندخل في الموضوع المهم كانت عندي زميلة بالعمل انا تزوجت و الحقيقة انا ما نحبش عفسة نمد الرقم نتاعي لكل وحدة رقمي خاص لعايلتي و بعض المقربين . و بحكم زمالة العمل عندها الفيس بوك نتاعي و مع ذلك ما نعلقش على مواضيع اي احد الا في حدود ضيقة جدا .المهم بعد الزواج تقريبا ب 6 اشهر بدات تكتبلي في الفيس على اساس تزوجت بعيد و تسال عني ….. و مرات نرد عليها انا كمجاملة برك .ربي يشهد .ﻻني ما نحبس واحد يقرعج عليا .اكيد تقولوا هذه مسوسة .استناو راني جايا في كلامي …. يوم من الايام حطيت صورة في الفيس و دخل و هو في العمل و حب يمازحني و علق على الصورة و قال زوجتي الغالية تحط غير الصور الملاح .على اساس يجرب ﻻنو ما عندوش خلفية على الفيس . المهم على طول نلقى زميلتي ردت ….الصورة جميلة و …… اتخيلوا يا حراير من صباحات ربي حلت حساب جديد في الفيس و رسلت اضافة لزوجي تحوس تتعرف و هكذا ….. اتصل عليا راجلي قالي راه جاتني اضافة و راني على طول ضفت ما عرفتش انا و الله طول فهمت القصة . وبدات تعطيلو في اسم وهمي و ترسل صور …..راكم تعرفوا اغراء…. وتصقصيه اسئلة هل انت متزوج و سعيد …….و انا و راجلي عرفناها طبعا ….و مشينالها في الخط باه نقطعوا الشك باليقين و تاكدنا بلي هي و ﻻ وهي مستمرة في الوقاحة و تهدر معايا . قالي راجلي ضك نفضحها قتلو اصبر اشوي .اتخيلوا ظالمتني و خايفا انا نجرحها هذا استهبال من عندي و ﻻ ضعف .حابا نفهم وين حابا توصل . الي قادرا تفهم هذه العبد تقولي .مع انو زوجي الغاها من عندو و تعاود ترجع .قولولي كلام نقولولها تحشم على روحها . ياﻻ نستناكم يا حرابر تبردوا قلبي ……..

تعرفي الشخص كما هكذا واش ديري امحها من بالك خلاص ومتفكريش فيها ومتردوش عليها سمطوها اذا كانت حرة ضرك تبعد واذا كانت بلعكس ضرك تكشف روحها بروحها هنا انت

تردي عليها

عرقتك بصح خليتك على راحتك

وماحبيتيش نقولك او نفضحك

وهي لفضحت روحها

وكلي ربي عليها وخليها

وحذاري زوجك يرد عليها متخليش زوجك يرد باه نبقى كرامته مرفوعة ومتخليهش ينزل مستواها

بتجاهلها باه تعرف بانك انت الكل في الكل

هي حابة تزعزع حياتكم وماتمدولهاش فرصة اجتنبوها وسمطوها هكذا تربحي راحتك وراحة زوجك

هذا راي وانت حرة فما تختارين

هذي ما بقات فيها حتى حشمة لا هي اختك ولا قريبتك ولا حتى صاحبتك قوليلها كاين وحدة تعمل كذا وكذا وراني عارفتها وناوية نبلغ عليها ونبهدلها واذا ما حشمتش وما حبستش واجهيها وخلاص

بدلو الفايس نتاعكم وتهناو

انا نقدر بدل الفيس و نقدر ما نهدرش معاها بصح استغربت في العقلية لمريضة ﻻه ندروا الرجالا و المشكلة مدايرا روحها عاقلا و متربيا و خاطيها انا حشمت في بلاصتها.

راني جيت نجري …هههههههههه
رائي أختي أن تتجاهليها…
و أمحيها من قائمة أصدقائك
و ربي يسهلك

يا أختي احدفو الفيس نتي و راجلك و الله ما يجيكم منو غير المشاكل ديجا راكي قلتي نستعملو نادرا
الباب اللي يجيك منو الريح سدو و استريح
و هي قطعي علاقتك معاها نهائيا

شوفي الفيس بوك هذا راه يجي منو غير المشاكل واحسنلكم تفوتوه انتي وراجلك وتتهناو
وهي خليها في نيتها ما طيحيش مستواك معاها
وماتربحيش عداوة معاها قادرة ترد عليك باي طريقة اخرى ما تظلمك ما تظلميها

بلوكيها و تنهناي و متزيدوش تقبلو انفيطاسيون في زوج و كحل احسن بدلي الفيس انت و زوجك و كي تقل اعطيني قوليلها وحدة ديرونجاتني ووووو……… احكي على وحدة اخرى وشوفي ردة فعلها