السلام عليكم اخواتي الكريمات راني حابة منكم الاستشارة للي تقدر تفيدني. انا ابني في ماي يكمل 3 سنين رغم انو طفل عادي لكنو ما يهدرش مليح كيما اقرانو او يقول جملة غير بعض الكلمات وكلمات ما ينطقهاش مليح علما باننا في مسكن منفرد هل هدا هو السبب ام انو عادي لانني استشرت بعض الاطباء لكن قالولي انو عادي ولازم انخليه يلعب مع الاطفال حتى يتعلم منهم ولكن يوميا صعب شويا بحكم عمل ابوه وراني مقلقه عليه وليس لي الا الدعاء له .ارجو الافادة
السلام عليكم اختي الكريمة هذا والله ما هو بمشكل صعب اخي الكبير 6 سنوات حتى دخل المدرسة وهو ثقيل في النطق والان راه راجل بسلامته وولد اخي للان راه في التحضيري وما يفهموش واش يقول وهذا راجع للوراثة اختي خليه وانسي عامليه عادي ما تبعيش بكلمة عاود موراي وما تقنطيش مرت اخي غير تضحك وراه بدا يهدر مليح يالشوية عليه
السلام عليكم ورحمة الله وبركاته
أختي الكريمة هذا شيء عادي أنا ابني في عمرو 5 سنين و نص و راه يقرا تحضيري
و البنية تاعو أكبر من صحابو لي في سنو و لكن النطق صعيب لأنه تربى وحدو كيما ولدك
خليه يحتك مع الأولاد و اتكلمي معاه انتي في البيت و ربي يحفظولك
السلام عليكم
أنا ولدي في جويلية ان شاء الله يكمل 4 سنوات و راه يمشي للحضانة و مزال لسانه ثقيل و خطرة على خطرة يخلعنا بكلمة
نحيروا من جاته
هذا لي يكون ساكت في راسو حوايج بزاف نهار لي ينطق يخلعك ههههههههههههههههههههه
عادي اختي ما تحيريش روحك
أنا تبانلي لبنات يحكو قبل و احسن من الأولاد و الله اعلم
أنا ولدي في جويلية ان شاء الله يكمل 4 سنوات و راه يمشي للحضانة و مزال لسانه ثقيل و خطرة على خطرة يخلعنا بكلمة
نحيروا من جاته
هذا لي يكون ساكت في راسو حوايج بزاف نهار لي ينطق يخلعك ههههههههههههههههههههه
عادي اختي ما تحيريش روحك
أنا تبانلي لبنات يحكو قبل و احسن من الأولاد و الله اعلم
هدا امر طبيعى وفعلا الامر يعود للوراثة وانا عندى من اولادى لى صار معاهم هكى عادى خلاص
وعليكم السلام ورحمة الله وبركاته
اختى متتقلقيش عليه شىء طبيعى كيما يقولو دمو ثقيل هدا مكان انا عندى وليد خويا تانى كان ماينطقش كامل معنتها حرف مايقولوش ومن بعد كى عاد فى عمرو3سنين ونصف نطق فى مرة وحدة وولا مايسكتش كامل المهم اختى متقلقيش روحك برك موفق بإذن الله … لك مني أجمل تحية .
اختى متتقلقيش عليه شىء طبيعى كيما يقولو دمو ثقيل هدا مكان انا عندى وليد خويا تانى كان ماينطقش كامل معنتها حرف مايقولوش ومن بعد كى عاد فى عمرو3سنين ونصف نطق فى مرة وحدة وولا مايسكتش كامل المهم اختى متقلقيش روحك برك موفق بإذن الله … لك مني أجمل تحية .