أخواتي راني حيرانة فهل تساعدوني 2024.

السلام عليكم ورحمة الله وبركاته بغيت نستاشر معاكم في موضوع راه شاغلني …….زوجي راح للبلاد ويجي لأسبوع المقبل إنشاء الله بصح راها جايا معاه أخته درك تقولو وين راه المشكل؟هيا عمرها ماجات للغربة جاية تحوس تقعد شهر…..عمرها مجيهة 60سنة …..نحبها بزاف ونحترمها ونحشم منها بزااااااف ومام زوجي يحشم منها……مين تجي راني موجدتلها صالة باش تبقة ترقد فيها سؤالي نرقد معاها مدة شهر أو في غرفتي …..موالفا تجي عندي فلبلاد مي تروح ترقد في دارها

اظن انو زوجك رح يتفهمك اذا نمت معاها تناقشي معه اولا فرضاك زوج اهم

لالالالالالالالالا اختي هذا غير معقول الاخت راها في دارها نورمال انت قومي بواجبك وديري لي عليك بصح عمرك ولا تخلي راجلك وحده ارقدي مع راجلك هدا هو الصح

اهلا اختي ام اسيا
لالا هي ترقد في الغرفة المخصصة لها وانت في بيتك
اصلا اذا ارقدتي معاها راح تحشم واتقلك ضايقتهم او حشمتها جات ترقد معايا او ماتلقاش راحتها
انت مااعليك غير اتقومي ببها في جميع الامور اما قصة النوم فلا اوافقك فيها
شكرا

الأصل ترقدي مع زوجك … الزوج له حقوق عليك و لازم تسوليه قبل مهاجرة فراشه
ممكن ذلك يؤذيه …
و في الأخير مافيها والو الى رقدت وحدها او مع أحد من أطفالك …
راهي تضحك و تتونس و تحوس لبلاد معاكم
الأمر عادي …

اسهري معها بعدين كل واحد ينام في غرفته

راني من راي أخواتي أقعدي معها و إسهري معاها كي يلحق وقت الرقاد روحي لبيتك ما فيها والو بالعكس لو كان ترقدي معاها تحس هي بلي علاجلها درتي هكذا و تحشم منك وتتجينا.

حبيبتي نتي سقسي زوج نتاعك راهو يعرف عقلية اخته وتخمام انتاعها قوليله خايفة نرقد معاها
تبانلي هي متفتحة لدرجة انها تجيها عادي كو ترقد وحدها بس سقسي زوجك وهو يقولك
قوليله نتي همك الوحيد متقصريش من ناحيتها وتخليها مرتاحه فقوليله

و انا من رأي الاخوات قومي بواجبك معها و اسهري و قبل لا ترقد سقسيها ادا تحتاج حاجة و روحي ارقدي في شومبرتك . هكا حتي هي تاخد راحتها. وممكن تتساءل مع روحها علاش هادو ما يرقدوش مع بعض تفهم حاجة اخري هههه .اما ان كانت كبيرة و محتاجة لمساعدة مثلا في الليل و مش قادرة اسأليها ادا حبيتي نرقد معاك و خليها علي راحتها. موفقة حبيبتي.