مشاركني التاسعة تتمثل في
بوراك المادلين
قلت دائما البوراك عندو نفس الشكل اما مثلثات أو مستطيلات، علاش ما نغيروش في شكلو (للاحسن طبعا) واخترعت هذه الفكرة،
وجربتها ولما وجدت النتيجة غاية في الروعة والطيبة لم أبخل عليكن بها وأردتكن حبيباتي أن تجربنها ولا تندمن.
مضمونة عشرة آلاف في المئة. ذوق وبنة وشكل، ومقاديرها بسيطة وفي متناولنا،
تفضلو معايا
المقادير
أنصاف ورق ديول
3 بيضات مسلوقين ومرحيين
نصف صدر دجاجة طايب ومفتت ومقلي
شويا معدنوس
حبات جبن مثلثات
التحضير
في مول المادلين مدهون بالزبدة نضع انصاف الديول، نضع فيها طبقة بطاطا مرحية (دوزنتها بشوية هريسة وفلفل أسود وفرماج)
ثم نقسم مثلث الجبن الى 3 طبقات رقيقة، نضع الاولى فوق البطاطا
ثم نضع البيض المرحي مع الدجاج المفتت المقلي، نخلطهم ونضع طبقة فوق الفرماج
وبعدها طبقة اخرى من الفرماج ، ونغلق الديول بمساعدة بياض البيض،
وقبل ما نحطهم في الفرن ، نضع فوقهم بلاتو باه ما يتحلش الديول
نضعهم في الفرن حتى يحمارو قليلا فقط، مدة الطهو حوالي 10 دقائق. وهاهي النتيجة
بعد ذلك فكرت في طريقة للزينة،
قلت لازم تكون كريمة مالحة متماسكة، فاخترعت هذه الفكرة
باط تيسويس + حبة كيري + حبة جبن مثلث
صدقوني طعم الكريمة أروع مما يكون
وهاهي النتيجة النهائية
وكي العادة ما نسيتكمش، هاذي سهمتكم
اذا عجبكم اختراعي البسيط ، لا تبخلو علي بتعليقاتكم
تحياتي
اول مرة نشوفها
فكرة روووووعة وبصحتكم
بصراحة اكثر من رائعة وشكلها يشهي
وتصلح حتى للريجيم لازيت قلي لاوالو
يعطيك الف صحة
موفقة
نتمنى تجربوها باش نفرح أكثر
صدقوني راهي تحمر الوجه
بصراحة اكثر من رائعة وشكلها يشهي
وتصلح حتى للريجيم لازيت قلي لاوالو
يعطيك الف صحة
