مساء الخير يا حلوات
نتمنى انكم بخير و عافية و ان شاء الله دوام الصحة اليوم حبيت نشاركم في واحد الموضوع:بما اننا هنا من مختلف المناطق الجزائرية حبيت،اذا امكن، كل وحدة تقولنا ما هي العادات نتاع المنطقة ديالهم في جهاز العروسة
.ان شاء الله ربي يهنينا و السلام و عليكم
حنا يديرو فلفراش10لحوف10مخاد10كوفيرتات ديسندلي وطابي وصالة وليدرات وكوفرلي المهم الي تقد عليه
والملابس
الداخلية وبدعيات وصبابيط ونعايل وحوايج الحمام ولبسة خاصة بلخرجات
والتصديرة 2بلايز قفطان و****و ولا قسنطينية ولي تقد تشريه والمكياج
بسم الله الرحمن الرحيم
* 6 مطارح صوف * 8 بساطات بونج 4 غوز و 4 بلو تيكوا + 2 بساطات تاع زاورة
*2 زور + كوات + شريت زربية صغيرة معها لسوندري تبعينها
+8 مخاد و 2 صترميات
*كوفر بونكات غوز معها زربية غوز + صالون مغربي بلو تيكوا معه زربية نفس اللون
2 طبوري غوز + 2 كوفرلي + كوفرلي شينوا.
* قندورة كوكتال + قفطان + شامسة+2 تبديلات + بشاكر+ 3 صبابط عراسي مع ليبوشات تابعينهم + قنادر تاع الدار .
هذا ماشريت لحد الساعة و لما يكون جديد نقلكم
ان شاء الله
بسم الله نبداو
10 لحوف +10 مخاد للحوف+10 كوفيرتات+ 4كوات+2كوفرولي +4 دراوات و + تاع شتاء+ بشاكير وسورتيت بان +مقامة الحمام+ ملابس نوم ولابس داخلية و كيمينو تاع شتا و2 تاع صيف + ملابس تصديرة
2 بلايز وهرانية وحدة صاري ووحدة قطيفة + 2 قفاطين +منصورية مغربية+3 خليجيات +هندية+بلوزة اخرى تاع منسوج+ قسنطينية + روب سواري تاع حريم السلطان اخر موديل+ تاع خطيبي يديرولي كاراكو + قفطان
الاحذية درت 1 سولي ذهبي صباط فضي + سولي احمر و صباط ازرق وتاع خطيبي يديرولي ملاية + صباطها وبوشاتها + سولي فضية وغدوا نكمل ان شاء الله لانو القائمة طويلة
احنا في لغواط ندو 4 زرابا قطع معاهم 8 وسايد مع تابي لونهم, 4 او 2 زرابا كسر مع 8 او 6 وسايد وتابي لونهم (زرابا تقليدية ) ,4 زرابا غرداية مع 8 وسايد وتابي غرداية , 4 مطارح صوف , 4 مطارح بونج , 4 لحوف مع 8 وسايدهم, كوفيرتات و كوفروليات وكوويت كل وحة ومقدورها تدي 2 من كل حاجة او 4 , صالون مغربي مع تابي لونو , شورة مع تابي لونها , واذا كانت دارها وحدها تدي فوتيات ,دراوات لوسايد ,نابات كروشي , نابات نوع اخر , التصديرة ,الملابس اللي تديها معاها,الاحذية حشاكم , الريحة الصابون , هذا واش جا في بالي وكي نزيد نتفكر انقلك
سلسلة كرافاش بالميدالية نتاعة+قرط مقام الشهيد+3 خواتم واحد شيراطون واحد تيتانيك واحد ويزة+4مسايس متولي+سلسلة صغيرة بقلب تاع الدار وقورمات ومنقوش+مسيبعات
وخطيبي 2 خواتم مسايس قرط وسلسلة والقائمة طويلة اذا تفكرت راني نرجع