اهلا وسهلا غالياتي اليوم انهيت الحلوى الثالثة لي وعدتكم بها وهكذا ساجهز صنية القهوة لزملاء
زوجي في العمل ونصورها لكم بحول الله….
مقادير وطريقة التحضير
2 كيلات لوزراني مستعملة الكاوكاو بعطر اللوز الحلو
1كيلة غير مملوءة سكر شوية فوق النصف راح يتعسل
تخلط مليح ونضيف زست حبة ليم عطر اللوز + بياض البيض حسب كمية الكيلة نلمد الخليط
بالحبة ونشوف الخليط ما يكونش جاري وما يكونش ناشف كثير
شكلي كويرات متوسطة الحجم و بالفرشاة الخاصة بالحلويات رمديهم ايضا في بياض البيض ثم
اللوز منسل
ستفي في صنية مدهونة بالزبدة و زينيهم بالكرز الجاف
الان كي انهيت العملية اشعلي الفرن على درجة 150 وخليهم فقط 15 دقيقة يعني ينشف
البياض فقط حتى يبقاو طريين…..
اتركيهم يبردو باش تنحيهم بسهولة لانة قد يحكم بياض البيض
اسفل الصنية وتلصق الحبة اذا
بسكين حاولي تنحي بالعقل
تكوني سخنتي العسل مع شوية ماء الزهر عسلي الكويرات مليح
وخليهم يقطروا في كسكاس
والى الحاويات الخاصة بهم…..
شهية طيبة والى فرصة اخرى بحول الله
بارك الله فيك
رائع ماشاء الله
اعتقد انا اول وحدة ترد ايييه ندي حقي
بصحتكم
شوفي حبيبتي روح الريحان تدي الصحن كامل ليها
وانا رح ندي لبلاطو كامل
يك معليهش
ورح نديه غصبا عنك
مي رح نخليليك دعوة وينه
***ربي يحميك ويرحمك و يحفطك ويعطيك الصحه ويباركلك فيها**
ام ماجد
شرفتوني وجزاكن الله خيرا ع المرور والاهتمام
المشوك من حلوياتي المفضلة
انا انطيبو مباشرة في الصحون الورقية
الله يبارك
لكن لي رجاء في المرة القادمة اكتبي اسمك على الصورة حتى لا تنسب لغيرك
و أيضا الشيئ المهم جدا جدا هو حجم الصورة
ياريت لو تصغريها قبل ما تحطيها لأنو اللي عندها ميكرو ثقيل كيما تاعي تقعد عام باش تدخل لموضوعك
و هذا المشكل كثير يعانو منو و طلبو تصغير الصور
مشكوووووووورة