كيفكم اخواتي ان شاء الجميع بخير
لم ارد ان اضع موضوعي في قسم الحيرانة ماحبيتش ننكون مخفية ولانني واضعة ثقتي فيكم وراكم كامل اخواتي وحبيباتي
مشكلتي بدات منذ اول يوم
تعرفت عليه وانا صغيرة بقبول من اهلي وخصوصا الوالدة التي فرحت كثيرا لتعرفي عليه وسبحان الله من اول يوم ماحبيتوش ماحبش يدخل لقلبي ولكن والدتي كانت تفرضو عليا وتقولي بالسيف عليك تبقاي معاه ولازم عليك تدخلى لعالمو وتعرفي خباياه ماتلقايش احسن منو
وكل يوم يزداد كرهي له راكم تعرفو كي تفرض عليكم حاجة ماتقدروش تحبوها الله غالب
ولكن الاسبوع اللي فات حصل لي حادث بسيط رغم انو مؤلم نوعا ما ولقيتها سبة باش نجبد عليه وبعدت عليه هد الايام فرحت بزاف بالبعد والله اول مرة نحس روحي عبد ولي كيان اوفف تهنيت منو ولكن كي شفت اولادي غاضوني بزاف والدمعة طاحت من عيني كيفاش ندير يارب لوكان مانرجعلوش يضيعوا اولادي بالشر وش حندير البارح رجعتلو غصبا عني اخواتي
عرفتو شكون
انه
المطبخ 
خخخخخخخخخخخخخخخخخخخخ
وعلامن ظنيتو انني نهدر هههه
البارح فقط دخلت للمطبخ بعد ماكنت عيانة حصل لي حادث بسيط استلزمني البقاء بعيدة عنه هذه الايام واش نقوللكم تدللت على الاخر هههه تهنيت
هذه هي اطباقى
وموضوعي في الاساس عن طبق شبح الصفرة القسنطيني حبيت نحطلكم طريقتي وجربوها مافيش الذ منها
ثلاث كيلات لوز مرحي ماو رقيق ماو خشين ومحمص كلية سكر حرش بيضة كاملة والبيضة الثانية نحيو منها البياض فقط للقلي شوي قرفة ماء ورد وماء الزهر
اولا نخلط اللوز مع السكر والقرفة ونضيف البيض ونلم بماء الزهر والورد حتى نتحصل على عجينة متماسكة ملازمش تكون جارية او يابسة نحطها فوق ساشي ونحلها مايش خشينة بزاف ونشكل كيما نحب انا استخدمت طوابع نجمة ووردة والاصبع شكلتو بيدي تقدري ديري هلال وقلب
نحط الحبات في البياض ونقلي ا ومانخليهاش تحمار غير تبدا تصفار قلبي ونحيهم من بعد من المقلى خليهم يشيحو من الزيت وعاودي اقليهم المرة الثانية خليهم يحمارو شوي ومن بعد حطيهم يشيحو وخبيهم في بورت مونجي في الفريقو استعمليهم وقت ماتشائين جربوهم مايتشبعوش
تقدري تعمليهم بالكاوكاو ولكن باللوز تجي الذا
كي تطيبي الطاجين حطيهم في الاخير كي يطيب بمجرد مايبدا يغلي الطاجين طفي على النار وخليهم يتشربو
بالاك يتكسرو حطيهم غير بالشوي للاسف ماصورتش كل المراحل نسيت
تقبلو دعابتي حبيباتي
حبياتي المشرفات حطيتو فقط هنا باش مايفيقوش فقط خخخخخخ
يخرب بيت شيطانك
هكذااا ديري
دللتي ههههههههههه بصحتك ياعسولة
تستاهلين والحمد لله على شفاك كون حطيتي صورة اليد وهي في اجازة يابت
في الاول كنت نحسبك تحكي على شخص معين ومن بعد نزلت لقيت الاكل هههههههههههه
الحمد لله على سلامتك حنونة
نقرى فالموضوع وقلبي يضرب
طنيتك تحكي على علاقتك مع زوجك ههههه
مام المطبخ راه شريك حياة لازمك تحبيه باش تقدري تتعاملي معاه
مايدة وعليها لكلام
ربي يبسط الرزق
يعطيك الصحة حبيبتي هاذا كامل على جال السي السيد كي صام بصحتو هههه
الحمد لله حبيبتي على سلامتك وربي يهنيك ويدوها نعمة عليكم