لكل فتاة تأخرت في الزواج قصة قريبتي

الجيريا
هذي قصة قريبتي يمكن اي وحدة مكتئبة ويائسة من الزواج لانها كبرت تبعث فيها الامل وتعرف ان الله رحيم
البارح جات زارتني وتفكرت قصة زواجها
هيا يتيمة الاب وعاشت مع زوج امها الشهادة لله هو كان راجل صالح يعامها بكل ما يرضي الله وحتى بعد وفاة امها قعدت عايشة معاهم لانها بكل بساطة كانت تقدر تروح لاعمامها
المهم هيا كبرت في العمر وصلت لسن 35 سنة ومرزقهاش ربي الزوج لكن كانت عايشة حياتها دائما مبتسمة وعطوفة مش متذمرة لانهاتاخرت في الزواج او لانها يتيمة كانت سبحان الله دائما منورة وتضحك لمجرد انك تشوفي وجها تبتسمي وحدك ودائما في فمها كلمة الحمد لله وكشما العجايز يعلقو يخي تعرفوهمالجيريا

ترجعلهم الكلام دائما بنكتة وبادب بعد وفاة امها قررت انها تبحث عن عمل بعد مشاورة زوج امها وموافقته خرجت ولقات عمل هو راتبه بسيط جدا لكن قالت احسن نصرف بيه على نفسي خير من والو
وفي العمل كان معاها واحد اقل منها بعشر سنوات وكانو معاها بنات صغيرات في العمر ايضا لكن المفاجاة انو قرر يخطب هذي قريبتي لانو قعد يراقب فيها سنة وشاف فيها المواصفات اللي يحوس عليها
هيا مصدقتش ومقبلتش لانو الفارق بينهم كبير بصح هو سبحان الله بقى مصر عليها هيا وكل ما ترفض يرجع لاهلها يخطبها حتى وافقت وتم الزواج وللعلم عائلته ايضا موافقة ومتفهمين وراضيين بيها ودارت عرس هايل والناس مرحموهاش وفي العرس ويقولو هذا وقيلا مهبول ولا عندو كشما مرض يخي علابالكم باعرب بلا ما نكثر الهدرة

وتم الزواج وراحت لبيت مستقل والحمد لله وحبست من هذيك الخدمة وفي كل عام يزيد عندها مولود العام 1 طفلة والثاني طفلة ايضا والعام الثالث ايضا طفلة ههههه والرابع رزقها ربي ولد
رحمة ربي واسعة وقادر على كل شيء فقط عليك ان تحسني الظن بالله
انا منعرفش نعبر مليح ان شاء الله برك تكون وصلت الفكرةالجيريا
و هذي قصة حقيقية والله على ما اقول شهيد

والسلام عليكم
تقييم اذا عجبتكم

قصة رائعة راه ربي جازاها على صبرها
ربي يهنيها
قصة مؤثرة الصبر مفتاح الفرج باين عليها انسانة قنوعة و مؤمنة و ربي عطاها على قد نيتها الطيبة
ربي رزقها على حساب نيتها
ربي يهنيها في حياتها
سبحان لله البنت يزوجها اخلاقها وعفتها وتربيتها ومش كما بعض البنات هداهم لله يكلموا شباب ويخرجوا متبرجين ويقولوا هاك نتزوجوا مستحل يقبل واحد يدخل وحدة كانت على علاقة به قبل الزواج حتى وان داها مايثيقش فيها يقول كما كانت تكلمني كلمت غيري بارك لله فيك على القصة وربي يسعدها مع زوجها

ربي يرزق كل ولية
قصة واقعية رائعة ربي جازاها خير ورزقها بالأولاد أيضا الله يهنيها
اتمنى ان تقرا قصتك كل فتاة تاخر موعد زواجها
وان تعتبر منها
الصبر والتمسك بالله هما سر السعادة
شكرا سما
برك الله فيك قصة معبره و هادفة
تثبت لاهميتها
اتمنى ان تستفيد منها البنات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.