مثال :
-تتلاقاي بوحدة و تقولك اوووه ما زلتي ما تخطبتيش فلانة قل من ب 6 سنين و راهي قريب تتزوج
– تلبسي حاجة جديدة و تجيك وحدة قدام الغاشي تقولك اااه مش خارجة عليك اللبسة هادي او لا كولار تاعها مش مليحة او كاين دي مودال خير …الخ
-تكوني قاعدة في رحمة ربي ووجهك لاباس عليه تجيك وحدة تقولك وشبيه وجهك مصفار هكدا؟ او شيء من هدا القبيل
هادو بعض الامثلة فقط .
كيفاش تتعاملو مع هكدا تعليقات ؟
انا كنت نطول بالي و نقول ما نهبطش لهاد المستوى بصح لقيت بلي الناس يفهمو سكوتك على انه ضعفففففففف فيزيدو من وتيرة الانتقادات
درك نعامل بالمثل اللي محترمة روحها نكون معاها محترمة و اللي ما تحشمش و تقول حاجة تحرجني ولا تجرحني نردلها من نفس العيار
لكن الخط
تصفاري تزراقي
تنوضلك حبة بالمجهر ماتشوفيهاش يكبروها حتى تشكي في روحك بلي عندك كاش عجب في وجهك
عباد هاذو يحبو يهبطو المورال برك باسك ماشي لاحقينك في قرايتك او زينك الخ يحبو يعكسوك برك
وهي هواية ديالهم المفضلة ومعروفين البنات بلي غيورين يعني قليل لي تقلك عفسات ايجابية
كيما شابة ولا راكي لابسة مليح والخ من امثلة….. انا ياكلني فمي بزاف يعني مانغلقوش وردي راح يكون قاسي ونردهالها عشرة
مي لي ناس ملاح ندير و على راسي وزيد هاد النوع الحشمة ماتنفعش معاهم لازم ترديها ثم وديريلهوم حد وخط احمر باش مايعاودوهاش
مي كي متقيمهمش أساسا أحسن رد عليهم ,
والسكوت عن الأحمق _ حشاكم _ جوابه .
بصح كي تردي تأكدي انهم نالو مبتغاهم وافقدوك صوابك الذي تتميزين به عنهم واتزانك الذي تتألقين به فيهم ….
ومانرد على حتى وحدة منقدرش نهبط مستوى نتاعي ليها اسمحلي اختي
يلقاوك زاهية باهية من بين الناس يبداو يقولو في كلام اللي يخلوك تتبدلي بلاما تفيقي
انا فرحتي ما نخسرها على حتى واحد و خصوصا هد النوعية من العباد
و ديما نستعمل اسلوب no disc
ورحم الله الإمام الشافعي حين قال : ما جادلت عالماً إلا وغلبته ، وما جادلني جاهل إلا غلبني !
كاين عباد هوما هاك خليقة يحبو ينكشوا في الواحد قاصدينو يقلقوه الرد البارد مليح ليهم و خطرات ثاني كي تصعقيهم برد حازم يسحاو شوي
و كاين اللي مش موالفين بهاذ الاسلوب غير خطرة يجيهم هبالهم
الكبير علي و اللي نقادرو نسكت و نخليه
و القعدة اللي يكون فيها النقاش بهاذ الاسلوب و عقيم نخليها و نروح
إذا سقط الذباب على طعام ***** رفعت يدي و نفسي تشتهيه
و تأبى الأسود ورود ماء ***** إذا كان الكلاب ولغن فيه
و اللي يقولي وش لابسة وش عاملة عندي دايما رد" ناكل وش يعجبني و نلبس وش يعجبني ثاني" ابدا ما نخليش وحدة تشككني في روحي
و الله يهدينا و يسامحنا
أنا ما نكدبش عليكم، إذا نفس الشخص يهاجمني ما نسكتش، و إذا شخص عابر ممكن ندير روحي معلاباليش للمرة الأولى، أما إذا تكرر الأمر نوضع حد لهاد التصرف