درتلكم اليوم قاطو بالزيت خفيف و بنين
كايجي يحمق مع قهوة الصباح
هههههههههه
تاع المراركة هذي
نموت على هدرة المراركة
نرجعو لموضوعنا ندخلو مباشرة في مقادير العجينة
2بيض-2كيسان شاي زيت-1خمارة-3/4 كاس سكر-2 مغارف اكل مايزينة
قشور الليمون-الفرينة
خلطي كامل المقادير السائلة مع بعض مع اضافة قشور الليمون و المايزينة
ثم اضيفي الخمارة و الفرينة حتى تحصلي على عجينة
حلي العجينة بالحلال و اقطعي بواسطة الطابع اللي عندك
دخليها في فرن يكون مسخن و جهزي مقادير التزيين
مربى المشمش-حلوة الترك-كاس حليب-2مغارف كاكاو-2 علب قوفريط من الافضل ذوق الشوكولا
خلطي حلوة الترك مع المربى
قومي بطحن القوفريط
سخني الحليب فوق النار+الكاكاو حتى يغلي
انزعيه و خليه يبرد
كي يطيب القاطو و يبرد مليح لصقي حبة مع حبة بواسطة خليط المربى و حلوة الترك
غطسيها في خليط الحليب و الكاكاو
ثم في القوفريط المرحي
و بالصحة و الراحة
ان شاء الله تجربوه و يعجبكم
هذي هدية الفوز اللي حققتيه انت و نور
بصح ماعليش يجي النهار اللي تولو فية نتوما تاني متزوجات و تندمو على اللي درتوه فينا
هههههههههههههههههههه
أما نندمو ما شكيتش كل وقت و وقتو بالعكس نربحو دك كي عازبات و من بعد نربحو ثان
واقتصادية شكراااا
ياخي عيد اللحم ماشي القاطو هههههههههههه
مشكورة على الوصفة
القهوة مع الدوارة ؟
و لا اتاي مع بوزلوف ؟
هههههههههههههه
مرحبا بيك اختي نورتينا و الله يحفظك
جاك هايل يعطيك الصحة