السلام عليكم اخواتيتلبية لطلب اخواتي الغاليات ام كوثر وhananourوكل الاخوات ليحبو يتعلموا شخشوخة السيار .اليكن حبيباتي طريقتي في صنعها .
-نبداو على بركة الله بالشخشوخة.
-سميد يكون من النوع الممتاز
(باش تجيك هايلة)-كمية من الملح حسب كمية السميد لدرتيها-وطبعا الماء
نخلط المقاديير حتى نتحصل على عجينة تكون شوية يابسة مالازمش تكون طرية ثم نبداو ندلكو فيها (بدون اضافة الماء)حتى تصبح طرية ورطبة .ثم نقطعها كويرات ونحلها بالحلال ثم فالمشينة نتاع البقلاوة على الرقم 7وهكذا ونغطيهابقطعة قماش تكون نقية ونبداو نطيبوا -نحطو الطاجين يسخن ونقسو للنار وندهنو الطاجين بشوية زيت ونحطو لعجينة ولازم مانطيبوهاش بزاف غير تشيح على الجيهتين نحوهاونحكوها مباشرة على السيار ذهابا وايابا.(انا هنا راني دايراتو بالمقلوب
الله غالب يد طيب ويد تصور).وبعد مانكملوا كامل نديروها فالسيارالعادي باه يطيح الفتات الرقيق وننشروها في drapكبير ونخليوها حتى تيبس مليييييييييييييييح(يومين ..او 3او4…..يعني كيما نديرو للطعام.ونخبيوها وهكذا تصبح واجدة في اي وقت حبينا نطيبوها..
يتبع
وهذه باقي الخطوات
بعد ما وجدنا الشخشوخة نمرو لتحضير المرق نحتاجو الى –اطراف من الدجاج او اللحم-3حبات قرعة و3حبات جزر مقطعين طوليايكونوا تقريبا متساويين -حفنة حمص مشمخ -حبة بصل مقطعة رقيقة-سنينات ثوم-زيت-ملح-فلفل اكحل-فلفل احمر حار و حلو(عكري)-زنجبيل(مفيد و يعطي بنة هايلة للعجائن-راس الحانوت-1او2حبات طماطم مكرفجة-2مغارف طماطم مصبرة-نضع الكل في القدر مع كاس ماءونقلي جيدا(قد ماتقليها تجي بنينة)ثم مرقيها وضفي الجزر والحمص وخليها طيب.ونروحو للشخشوخة (طبعا انا نوجدها من قبل ونيبسها )ناخذو المقدار ليرايحين نديروه ونرشوها بشوية ماء ونديرولها شوية زيت باش ماتلصقش ونفوروها ثم نعاودوها بالماء كيما الطعام ثم نفوروها ثم نزيدو نعاودوها بالمرق ونفوروها للمرة الاخيرة ونديرولها الزبدة.وما ننساوش نديرو القرعة طيب ونحيو الجاج ونرشوه بشوية فلفل اكحل وشوية كمون ونقليوه ونسقيو الطبق ونقدموه مع المرق (انا شخصيا منحبوش مسقي بزاف)وتكلوه بالصحة والهنا
وفي الاخير اقول لاخواتي اي وحدة عندها استفسار انا في الخدمة او عندهااضافات فلتنفعنا بها
.
وفي الاخير اقول لاخواتي اي وحدة عندها استفسار انا في الخدمة او عندهااضافات فلتنفعنا بها.
وطبسي الاول سقيتو لاخواتي في المنتدى ليحبو شخشوخة السياروالثاني مهدى لحبيباتي نور الهدى وام بيسو واناس وسعيدة ووحيدة
وزهرة القرنفل اليوم تقتلك هههههههههههههههههه على الي ماهديتيلهاش
بارك الله فيك حبيبتي طيب ممكن نعرف كيف طريقة عمل الشخشوخة نفسها يعني وعلاه اسمها شخشوخة السيار
بارك الله فيك حبيبتي طيب ممكن نعرف كيف طريقة عمل الشخشوخة نفسها يعني وعلاه اسمها شخشوخة السيار
ايييييييييييييييييه يااختي هنا لوكان غير تبان اختي زهرة 
نديرلها طبسي وحدهاولله غير خصت فالمنتدى 
.
اما الشخشوخة حبيبتي هنا راني درتلها موضوع وحدو.وسميت بشخشوخة السيار لانها تتخدم بهذا السيار .
نديرلها طبسي وحدهاولله غير خصت فالمنتدى .اما الشخشوخة حبيبتي هنا راني درتلها موضوع وحدو.وسميت بشخشوخة السيار لانها تتخدم بهذا السيار .
ان شاء الله تبان وتجي فرحانة بولادها ويفرحوها بالشهادة
بارك الله فيك
بارك الله فيك
وصلتني قسمتي بارك الله فيك تشهي مع الصباح
و الله للاسف انا ما عنديش السيار تعها لكني نشريه في اول فرصة بادن الله لاني دايقتها وتعجبني
شكراااااااااااااااا
ان شاء الله اختي هنا و ربي يفرح كل امهات المسلمين بنجاح اوليداتهم
روووووووووووعة, شكرا حبيبتنا ميمي, تشهي تشهي, و الخطوات مشروحين جيدا, و بالنسبة للسيار أنا أول مرة نشوفو تانيت, نحوس عليه و نشريه, بارك الله فيك