لبنااات تعيشوووو حابتكم تعاونوني و تعطوني
كاش وصفات جدد و طرق جديدة عندي مرقاز saucisse حابة نديووو للعشا تكرمو عليااا بوصفاتكم اللذيذة
انا في الانتظار
امين يا رب
كاينة وصفة و هي تقلي المرقاز عادي و من بعد تحضري صوص تقلي البصل و الزيت و التوابل و الطماطم و الماء و من بعد ديري فيها المرقاز المقلي و كي تعقد لاصوص تكون وجدت
و تقدري طيبي به سباغيتي
و الوصفة الاولى اللي قلتلك عليها تقدري تقدميها مع الأرز أو حتى اذا كان عند فولفون تقدري ديريهالو صوص انت و ذوقك
بونارين سبيسيال م
وهو كيما تعرفو يجي باللحم المرحي اما الخطوات والطريقة حافظت عليهم
المقادير
لحم مفروم ، مرقاز ، شوي زيت، ملح توابل وفلفل كحل ، معدنوس
فرماج قطع وفرماج شرائح وفرماج رابي (ويمكن اي نوع متوفر)
6 حبات بيض وممكن اكثر اذا درتو كمية كبيرة
التحضير
اول حاجة درتها قصت هذاك الغلاف الشفاف تاع المرقاز
وملح توابل فلفل كحل وقليتهم في شوي زيت
من بعد شوي معدنوس مقطع
نقصت عليه النار وخليتو طاب في عقلو
وهو سخون زدتلو 6 حبات فرماج
وفرماج شرائح
خلطتهم حتى ذابو فيه
وزدتول 3 حبات بيض في البداية
وكي جاني ناشف زدتلو وحدة
لازم يكون جاري
درتو في مول تاع كوشا
وسيحت عليه 2 حبات بيض الي بقاو
ودرت عليه الفرماج رابي
وشوي درتو في مول تاع المادلان
وقدمتهم مع لوبيا خضرا بعد ماغاليتها في الماء وقليتها
في شوي زبدة ملح فلفل كحل ومعدنوس
وهام ليكم واجدين بنان ومايتشبعوش
اشكر جزيلا لما قدمته لي من مساعدة
موااااااح
العفوووووو هذا واجبي
ربي يحفظك و يسترك