اين هو الحل؟ 2024.

تحية الى كل الاخوات . نتمنى منكم تساعدوني وتلقاولي مخرج لهاذ لمشكل لي راه محيرني ومحيرني بزاف لمهم جات عندي وحدة من لعائلة وهدرت معايافي الموضوع نتاع خطوبة يعني بغاتني لولدها هاذ لهدرة راها في مدة عام وما عندهاش بزاف كي لقاتني عاودت قالتلي من بعد شهر تقدم واحد باه يخطبني اقسم بالله ماعرفت واش نقول ولا حتى القرار لي نتاخده راني في حيرة

ارجوووووووووووووووووووووووووووكم قولولي واش هو الحل .

اذا كان الي تقدملك شاب محترم وما عليه حتى غبار قصدي ناس ملاح وولد فاميليا وانت عاجبك اتكلي على ربي واقبلي بيه هذا على الاقل تقدم لك اما هذي الي هدرت عليك برك ومن عام راهي تديرلك ف التعطيلة يعني ما خطبتك رسمي ما خلاتك تشوفي حياتك المهم انت الي تخيري الراي رايك اما رايي قلتهولك بكل صراحة ما تستنايش وما تروحيش تقوليلها راه واحد حاب يخطبني و انا نستنا فيك تجي تخطبيني لولدك كاين بزاف الي يغلطوها نفسك اعز والله يكون في عونك ويفرحك بولد الحلال الي يستاهلك
اختك م انس ردت

التحية متبادلة اختي الكريمة
قلبك دليلك وعادي الصراحة راحة مافيها حتى عيب وﻻ حشمة
حظ موفق

صلي صلاة الاستخارة والخيرة فيما اختاره الله موفقة اختي

شكرا جزيلا على النصيحة

بارك الله فيك

هادي غير باه تجي تخطب قعدت عام مالا كي تجي باه دخلك تلقاي عمرك خلاص لكان هذا ناس ملاح اقبلي وماعليك حتى غبار ربي يتمملك على خير

صلي صلاة الاستخارة و استعيني بالخالق، و زيد شاوري اهلك و سقسي عليه مليح ،و فوضي امرك لله و توكلي
و يمكن هذه المراة هي حابة و وليدها لا ،تبقاي تستناي في الهوا راهو عام فات تستناي 10 سنين خلاف.
توكي على ربي و شاوري والديك.
و ربي يفرحك ان شاء الله

خمي مليح ………… ودي الافضل في دينو في تربيتو في كلش …………. ومتنسايش صلاة الاستخارة