اليوم ما نضناش بكري على خاطر المشي في الجزيرة تعبنا بزاف
اخذت طاكسي من الفاتح وكنت اريد الذهاب الى *لالالي* وهي منطقة شائعة بالملابس الفاخرة
قلت للطاكسي لالالي فبدأ يسير ثم تحدث الي بالتركية ولكنني فهمت 
قالي هل تريدين شراء اشياء رخيسة ..قتلو اكيد …قالي تحبي نديك لمنطقة فيها سلع رخيسة ..ما نكذبش عليكم انا خفت …لكن هو طمني …بدأنا السير والصراحة كانت الطريق طويلة وانتابني نوع من الخوف خاصة لما لقيتو يأخذ طريق البحر …مت بالخلعة وهو في الحقيقة اختصر الطريق باش يوفر علي حق الطاكسي
الى ان وصلنا الى منطقة اسمها ماناتير وهي تبيع بالجملة حاولت نفهمو اني ميش رايحة نشري الجملة لكن قالي انك تلقاي قطع رخيصة ..يعني اصحاب الجملة لما يبقاو لهم القطع ..يحطوها في الخارج للبيع ..
صراحة دهشت وما نلقيت منين نبدا …في الاول قدرت نصورلكم شوية لكن مباعد وانا رافدة القش ما قدرتش نصور بزاف ….شوفو المحل فيه عشر طوابق …سرحت رجلي وبديت الجولة ..
اول شيء عثرت عليه هو بيجامات الصيف 5ليرة يعني 25 الف نتاعنا
شريت عشرة لمختلف الاعمار ولقيت قمصان رجال ب27الف اخذت 5
سراويل بنات ب5 ليرة شريت تاني
وروبات بنات
الصاكات لقيتهم غالين لكن رااااااااااااااااائعة
هذا الشيء اللي قدرت نهزو ا
وراني نخمم نرجع ان شاء الله قبل ما نروح
رانا مستمتعين
قالك الي ما شرا يتنزه
محلاتهم روعة نظاف ومنظمين
بصح حاولي تصوري ماتزربيش باش يخرجو صور شابة كيف التحويسة
بارك الله فيكِ على الصور
حبيت نسقسيك حبوبة كيفاش تعلمتي التركية حتى قدرتي تهدري بيها وتفهميهم كي يهدروا معاك ؟؟؟؟؟؟