حاية نستشيركم في امر المكروأوند حبيت نشري واحد لكن اختي مختصة في التغذية حذرتني
قاتلي مسبب للسرطانات ولدي اخت زوجي هبلتني عليه تزورني يوميا قاتلي لازمكم تشروه باش تسخني لزوجك
عند العودة من العمل وانا صراحة منظمة جدا في الطبخ ومانحبش الاكل غير الصحي يعني للي يجيني منه الشك
مانحوسش عليه لكن مرات صح ندير اطباق تحتاج تسخين تبرد بسرعة
لم اجد ضرورة لذلك لكن مترددة وزدت قريت في النت مواضيع عليه كل واحد براي واحد يقول مضر وواحد يقول نافع
حبيت منكن نصيحة وتجربة شكون تستعملو وهل فعلا المعلومات التي قراتها انه مسبب للامراض والسرطانات صحيحة ام اشاعات
وعندي سلفتي عندها واحد وراهي تستعملوا والحمد لله راه باخير وماسمعتش بهذي السمعة وحتى لواحد يتجنب هذي الاشاعات لما تسخني الاكل اجعلي عليه غطاء او ورق اليمنيوم حتى تحافظي على الاكل ويبقى سخون
اختي حنا عندنا الميكروآند
نستعملوه عادي راهو عندنا منذ 4 سنين ونوغمال الحمد لله
صح تسخني فيه اي مــآكلة
مي لازم ماتحطيش ورق الامنيوم كي تسخني فيه
هكدا اختي
عندي صديقة سعودية نطلب العلم الشرعي مع بعض في السكايب
بعد طال غيابها ولما رجعت قالت لي والدتها عندها سرطان الامعاء عفانا الله والسبب المكرويف او المكراوند
الان تعالج كيميائا بالابر عفانا الله
لذلك نصيحة اختي ما تشريشوا وضرك الاخت اسبوع غايبة ربما بسبب امها
لانها اخر مرة قالت ليي تدهورت صحتها
ما تشريشوا يدير لكم المرض
شوفيي هو قد ماهو مفيد قد ما هو مضر
عندي واحد لا مارك كانوووود مي والله مانستعملووو سيرتو كي راني تقيلة مانحوسش كامل عليه راجلي يستعملووو كي يسخن الحليب بزاااااااف
ولكن عزيزتي من بعد بديت نهدر مع روحي لالا بزاف كل مرة نسخن فيه والإشاعات هادوك نورمال المرض راه يتسابب هههههه حكاية معاه نكمل بحثت عليه زدت خفت أكثر وقلت ما كانش كيما نسخن الماكلة فوق النار ودرك راه منزل ديكور فالكوزينة وراه جديد