السفوف المغربي على طريقتي 2024.

اليوم عملت شهيوة ديال رمضان الله يبلغنا واياكم
هاد الشهيوة كنسميوها السفوف او سلو راه كيجي بنييييييييييييييييين بزاااااااف ومغدي غير هو ما خصناش ناكلو منو بزاف
المقادير اللي استعملت انا هي=
2 كلغ جنجلان منقي ومحمر ومطحون ماشي بزاف + 2 كلغ لوز منقي ومحمر ومطحون حتى هو ماشي بزاف + نصف كلغ لوز منقي ومحمر للتزيين +4 معالق كبار قرفة +2 حبات جوزة الطيب +شوية زيت زيتون +زبدة دايبة +رابعة من النافع +رابعة حبة حلاوة +السكر قلاص حسب الذوق +4 كلغ دقيق ممتاز محمر في الفرن
الطريقة=
في اناء كبير نعملو الدقيق والجنجلان واللوز المطحون والقرفة ونحكو عليهم جوزة الطيب ونضيف النافع وحبة حلاوة والسكر قلاص تك نخلط النواشف مع بعض جيدا ونضيف شوية زيت زيتون ونخلط ونبدا نضيف الزبدة المدوبة حتى الحصول على خليط مايكونش دسم بزاف وفي الاخير نضيف حبات اللوز

كنتمنى يعجبكم وتجربوه.هدا مكون اساسي فالموائد المغربية في رمضان وما تخافوش تقولو الكمية كبيرة راه ماكيبقاش ههههههه وانتم ممكن تعملو غير نصف الكمية
ممكن تخزنوه لفترة طويلة راه ما كيخسرش والتقديم كيما حبيتو ممكن توضعي شوية لكل واحد في الطبسيل او تاخدي كمية توضعيها في صينية وتغلفيها كيف عملت وتدخليها الثلاجة من بعد طي تبغي تقدميه قطعيه بالسكين وقدميه.والباقي احتفظي به في اناء محكم الاغلاق

نموت على الأكل المغربي رائع اختي يعطيك الصحة

امممممممممممممممم
يشهي يعطيك الصحة

سلو يا سلو اش بغيتي عندي فكرتني في مائدة رمضان في المغرب ضروري فوق الطبلة
الله يعطيك الصحة انا نخدمو بالحق نخليه سفوف

ربي يخليك الحبيبة على الرد الرائع ويسلمك

تفضلي الحبيبة والله غير كون راني قريبة منك نجيب ليك حقك حتى للدار.مشكورة على الرد الرائع

ردك اللي يفتح النفس ههههههه نورتي موضوعي غاليتي

الله يبارك بصحتكم .راكي شهيتني فيه