مقادير العجينة
3 كلات دقيق رقيق مسير بيسار السميد يعني لي فوق السار هو لي تخدمي بيه
1 كلا سمن نتاع المدينة
التحضير
حطي 2 كلات دقيق والثالثة نحي منها نصف من الدقيق وعمريها بالفرينة
وزيدي حطي الكيلا نتاع السمن بالشويا وحكي بين يديك مليح حتى الدقيق يتشرب كامل السمن
حكي مليح مليح مليح
ومن بعد ما تحكيه مليح حطي الجلجلانية محمصة حب وحطي كمية الملح المناسب
وشمخيها باماء الزهر والماء عادي بالما تعجنيه بن اصباعك برك
وغطي الخليط بالنلون وخليه يبات ليلة كاملة
تحضير الغرس
اعجنيه بالماء وماء الزهر مليح وما تخليهش يابس وعكبيه في رحاية اللحم وحطيلو وشا جلجلانية و شويا قرفة
وشويا طيب مرحي وشويا دقيق مبسس لي تكوني نحيتي شويا قبل ما دري الماء في الدقيق
والغدوا من داك اخدمي المقروط كما هو معروف وعملي مقرطات بالطابع
وانا نزيد ننقش الحبات والله يجي روعة
وطيبيه في الكوشة
انا ندير في البلاطو الكبير ونبعتو لي الكوشة يجي قريب200 حبة
وورشحيه بالعسل وذري عليه الجلجلانية وشية طيبة
نخدمو في الاعياد وفي العراس
