اهلا يا بنات
من فضلكن نعرف وحدة صحبتي عرسها ان شاء الله بعد 15 يوم
مشكلتها انها ماعندهاش شعر من الامام حتى الى النصف الخلفي و عندها شعر عادي من الخلف
يعني مش معدوم الشعر في المنطقة زي كف اليد او زي الرجال الصلع لا
عندها شعر خفيف جدا و قصير جدا يكاد لا يرى
هي اخدت علاج تاع الطبيب لانو قاللها من l angoisse
لكن ما نفعهاش
قلنا نشوفو دواء تاع عرب يعني تقليدي لكن ممكن يطول مفعولو
لدلك حبينا حل مؤقت و في نفس الوقت تعمل العلاج
وهدا الحل المؤقت اريد ان اسال عنه عند الكوافيرات
يعني هل يوجد حل يستر راسها مؤقتا
هي زوجها تقولو يعني مافيش مشكلة لكن هي خايفة من لافامي تاعو علابالكم النساء مايرحموش
هي تحشم بزاف بيه و ماتنحيش الفولار قدام حتى واحد
علابالي نهار العرس ديرلها الكوافيرة بوستيش او اي حاجة لكن كي يفوت العرس كيفاش تبقى في الدار
مش راح تربط راسها بفولار و هي عروسة قدام عزوجها و خواتات راجلها
الي تعرف حاجة تكتبها الله يجازيها خير
بارك الله فيكم يا بنات
لا اعلم الصراحة و نتمنى تصيب حل قريب ان شاء الله و ان شاء الله يفيدوها الأخوات اللي عندهم خبرة
ربي يتمملها زواجها بخير
اللي نعرفو انو علاج مثل هاذي الحالة يتطلب وقت طويل سواء علاج طبي او بالاعشاب
على الاقل 3 اشهر
ان شاء الله تلقاي اللي يفيد صحبتك
ربي يهنيها
شكرا ليكم حبيباتي عالردود
ربي يعطيكم وش تتمناو
وربي يهنيها صحبتي و نلقاو حل مؤقت حتى تتعالج
تنقي راس كبير تاع الثوم وتسخنيه في الزيت العادي او زيت قبايل اواي زيت عندك حتي يفتر وبعدها ديريه في راسك
لازم مرا في السمانة مثل دارت السبت دير السبت تاع الاسبوع الثاني وهكذا حتي تبان النتيجة في الشهر او اكثر علابالي الوقت ما يكفيكش مي حبيت نفيدك
ملاحظة كل مرا دير خلطة
جديدة ملازمش دير بزاف ومبعد تخبيه لي ديره ديريه في شعرك عندك الحق نظامنا الغدائي راه مخسر
وزيد هده صحبتي تقلق بزاااااااااااااااااااااااااااااااااااف
جامي شفت وحدة مقلقة كيما هي ربي كون في عونها
ظرك نخبرها يا ختي
بصح ما فهمتش
كي ديري الثوم تخليه شوية فوق راسك؟؟؟؟ يعني تربطيه بفولار وتخلي الثوم يقعد ساعة مثلا ؟؟؟؟؟؟؟؟؟؟؟؟؟
ربي يهنيك اختي
هادي صحبتي شافت اخصائية و قالتها l angoisse
وصح جامي شفت وحدة مقلقة كيما هي جاااااااااااااااااااااااااااااااااااااااامي
ربي يهديها و يكون معاها ويفرج عليها
وزيد هي شعرها ماشي فااااااااااااااااااااااااااااااااارغ خلاص
نقولو نص سنتيمتر هكاك…يعني صغير بزاف
وانا قلتلها على الحجامة هادي تاع ال lame gilette والثوم على خاطر اختي دارتها بكري
بارك الله فيك حبيبتي
ربي يجيبلها الخير
راهي راحت شافت الحلاقة شافتها الا تقدر تلصقلها شعر زايد تغطي بيه نهار عرسها
بصح قالتها باللي مانقدرش على خاطر ماعندهاش شعر من القدام يكفي باش تلصقلها فيه الشعر
راهي باش تشوف اخرى ديرلها برك فولار تاح محجبات بطريقة مليحة تاع عرايس
ربي يكون في عونها