للجينواز نحتاج 6بيضات/150غ سكر /180 فرينة/فاني/ 1خمارة/نطربو البيض مع سكر حتى يطلع ويولي لونو قريب لأبيض …نزيدو الفرينة ولفاني ولخمارة على 2 مراحل ولكن غير بلمغرف ونخلطو من لفوق للتحت غير بشوية باش مايخرج العوين نفرغوها فيمول مدهون ونخلوها طيب وتبرد …لتزين نحتاج كرام شونتي /فرولة مطحونة/فرولة مقطعة/مشماش مرقد/قازوز /شكولا/…………………………….بعد ما تبرد الجينواز نقسموها على 2دوائر نحط الجينواز1فوق الوح نتاع تزين ونسقوه بلقازوز ونطلو بلكرام شونتيي ونرش ونفرش فرشة نتاع الفراز مقطع قطع جد صغيرة نحطو الجينواز2 ونعودو نسقوها مليح ونغلف الجينواز بلكرام شونتيي مليح …نعمرو لابوش آدوي بلكرام شونتيي ونعملو نجمات فلحاشية نتاع لطارط تم بلملعقة وغير بشوية باش ماتخرش للأطراف نفرغو الفرز الفرولة المطحونة في الوسط …أنا هنا كان الفراز طايب وحلو ماضفتلهش سكر لالا خليته طبيعي…وحطيت في الوسط نص حبة مشماش وزينت بدوائر البنان وقطع المشماش وزينت بشوكولا المدابة ونتمنى نكون فدتكم وتعجبكم في أماني 
اين الصور انا متشوقة
اول مرة نسمع اننا نسقيها بالقازوز والله غير نجرب ونشوف النتيجة مالف ندير شاربات والف شكر يام اسيا حبيبتي
الصور لا تضهر حبيبتي شوقتينا للطارت
وين الصور والا تحذف المشاركة الوووو ام اسيا
فكرة هايلة
ميرسي حنونه
ميرسي حنونه
تسلمي حبيبتي
لكن الصور لم تظهر
لكن الصور لم تظهر
شوقتيني للصور
أرجوكم لي تدخل تقولي صور راها كاينة أولالا …أنا راهم خارجين عندي
راهم كاينيييييين خرجت 44444444444