جبتلكم طريقة سهلة و اقتصادية لعمل كرانتيكا في المنزل و هي لذيذة كثيرا و طبعا شكون اللي مايعرفش كرنطيطا أو كما تنطق كرنتيكا هي طبق تتميز به الجزائر بشكل عام، وخصوصاً العاصمة الجزائرية والغرب الجزائري. حيث في وهران وتلمسان يطلقون عليها كرنتيكا وتحضيرها يختلف قليلاً عن العاصمة. تحتوي على حمص مطحون وبيض وماء وزيت وبعض الكمون، وكمية الزيت والماء تختلف من العاصمة للغرب الجزائري، حيث تكون الكمية أكثر في الغرب. تطبخ في الفرن بعد خلط المكونات وتقدم مع الرغيف أو بدونة على شكل قوالب تؤكل مباشرة. وهي لذيذ جدا حيث حوانيت الكرنيكا يقصدها الجميع من مختلف أرجاء البلاد, وتكلفتها قليلة. الكرنتيكا معروفة في إسبانيا وفرنسا أيضاً ولكن بأسماء مختلفة وبطرق تحضير تختلف من حيث الكمية فقط.
اليكم المقادير + طريقة التحضير
– دقيق الحمص 400 غ
– 1.5 ل ( لتر و نصف) ماء عادي
– ملعقة كبيرة كمون
– ملعقة صغيرة ملح
– ½ ملعقة صغيرة فلفل اسود
– حبة بيض
– فنجان صغير زيت
الطريقة
– ناخذ اناء عميق ندير فيه دقيق الحمص+ ونضيف الماء بالتدريج و بسرعة مع الخلط دون توقف بواسطة فوي حتى يتحلل الدقيق في الماء و نتاكد انو ماشكلش لينا حبيبات
– من بعد نضرب حبة البيض قليلا و نضيفها للخليط مع اضافة جميع التوابل المذكورة + زيت و نخلط الكل بواسطة فوي
– الفرن يكون ساخن ندي صينية غير مدهونة ( انا ديت صينية طولها 30 سم و عرضها 20 سم ) نفرغ الخليط و تدخل للفرن و توضع في الرف الاعلى على نار عادية ليست قوية و ليست ضعيفة و تترك لمدة 45د حتى نشوفها تماسكت أي عندما تهزي الصينية مانلقاهاش سائلة و نخليها تتحمر
– نطفي على الفرن نتركها تبرد قليلا و نرش عليها كمية من الكمون 
– تقدم مع الهريسة
– ممكن تقدم مع رغيف الخبز
ملاحظات هامة
– لازم الصينية تكون لديها ارتفاع أي غامقة باش نتفادى الفائض من الكرانتيكا وقت الخبز
– الصينية لا تدهن و حتى نضمن عدم التصاق الكرانتيكا فيها قبل مانفرغ الخليط نبلل قاع الصينية بالماء من بعد ندخلها للفرن ساخن و نقلبها على وجهها باش تنشف كي تنشف نخرجها من الفرن و نفرغ خليط الكرانتيكا مباشرة عليها ثم تدخل عادي للفرن
شحال راكي تبيعي للمورسو تاع الخبز
هههههههه
يعطيك الصحة حبيبتي
حتى انا كنت نعملها هاك
ومن بعد سقسيت اللي يبيعها في المحل كيفاش يخدمها
عطاني نفس الطريقة الا انه مايديرش البيض
كما اني انا نضربها بالباتور و نخليها نصف ساعة قبل ما ندخلها للفرن
شكرررااا لك ان شاء الله نجربها في اقرب وقت
دمت مميزة
مشكوووووورة يا اميرتنا
سبقتيني راني درتها البارح للفطور و هاهي كرانتيتي
و طريقتي تقريبا نفس طريقتك
لكني نكيل كاس كرانتيتة ب 3 كيسان ماء و كاش ماشي معمر حليب و يمكنك مضاعفة المقادير
انا تاني مرات نخلطها بالباتور ……نورتي بالمرور العطر
نشكرك على حضورك المميز و المعطر و تشجيعك القيم منورة
و نشكرك بزاف على طريقتك افدتني بفكرة جديدة و هي اضافة الحليب ان شاء الله نجربها و نردلك الخبر
عندي مدة مكليتهاش راني ديت الف فالطوبسي كيما نقولو في وهران و درت الهريسة
اممممممممممممممم جات بنينة من يديك حبوبة
مشكورة بارك الله فيك
نسيت ديريلي الكمون أميرتنا
يعطيك الصحة أختي بارك الله فيك
مبدعة كعادتك