رجعتلكم بوصفة جديدة
سلطة جديدة وباااهية وتزين المايدة
المقادير
لي كورني نحتاجو ليهم
اوراق الديول من الافضل يكونو بالاعشاب ، 4 حبات بيض، مايوناز، ماييس، طون زيت
اكمال السلطة نحتاجو
سلطة خضرا ، جزر، زيتون، مايوناز ، حبة طماطم صغيرة
التحضير
نقطعو ورقة الديول 4 قطع
ونلفو كل ربع على الكورني
ونقفلوه بشوي فرينة مخلطة مع الماء باش مايتفتحش
نديروهم في سينية وندخلوهم للفرن يتحمرو ( ماياخذوش بزاف وقت )
ونسيت نصور بعد ماخرجتهم
نروحو لتحضير الحشو
نقشرو البيض ونستخدمو الصفار تاعو نزيدولو علبة الطون ونحو منها الزيت وشوي مايوناز
نخلطوهم بفرشيطة مليح
ونزيدولهم الماييس في الاخير
الخلطة لازم تكون شايحة باش مايطروش لي كورني
ويكون الحشو واجد
نحشو لي كورني تاعنا نحاولو نوصلوه لاخرو ومانضغطوش باش مايتكسرولناش
ويكونو واجدين
نرابو الزرودية ونحطوها في وسط بلا اوفال
نقطعو سلاطة خضرا صغيرة
ونديروها على الحاشية
نحطو ليكورني تاعنا
ونزيينو بالزيتون والزرودية مقطعة ولبيض تاع البيض
وطماطم في الوسط فيها مايوناز
وسلاطتي واجدة
ان شاء الله تعجبكم الفكرة البسيطة
اتمنى ان تنال الوصفة اعجابكم
رايكم يهمني وردودكم تشجعني
وجديدي قادم قريبا ان شاء الله تعالى
طريقة رائعة في التقديم مشكورة
ايا راها مسمياتك غير مولات السفيرية بصراحة انصدمت بالسفيرية والبقلاوة الملونة وزدتي كملتيلها لي بقا بهاذ السلاطة المذهلة
واش نقولك كل دعاوي الخير قليلة عليك وزادتك امي دعوات من عندها .
تسلمي اختي
تواجدك نور الصفحة
سرني مورووووك اختي