واش راكم سيداتي الكريمات
نزولا لطلب الاخت malak sojoud نقدملكم و نقدملها هذه الحلوى راهي جي خفيفة بزاف و لذيذة كثيرا والكل اللي ذاقها طلب الكيفية ان شاء الله جربوها و تمدولي رايكم فيها
المقادير :
للعجينة :
– 80 غ زبدة طرية
– 80 غ سكررطب
– 250 غ فرينة
– ½ كيس خميرة كيميائية اي مغرف قهوة
– مغرف قهوة فاني
– 1 صفار بيضة
– حليب سائل نقدر نعوضوه بالماء الزهر
الحشو :
– 80 غ جوز الهند
– 50 غ سكر عادي
– 2 ملاعق كبار كاكاو مغربل
– مغرف قهوة فاني
– ماء الزهر
– بياض بيضة
للتزيين:
شوكولا سوداء و بيضاء
التحضير :
نحضر العجينة في اناء ندير الفرينة + زبدة طرية و ندخل المكونات في بعضها البعض حتى تولي منسجمة
– نضيف الحليب السائل بالتدريج حتى تتلم العجينة نقسمها على 3 كريات و نخليها بجهة ترتاح
نحضر الحشو في صحن ندير جوز الهند + كاكاو +سكر ناعم+ فاني +بياض بيضة و نخلط الكل و نبدا نبلل بماء الزهر غير بالشوية حتى نتحصل على حشو شوية جاري اي ماهو عاقد او ماهو جاري بزاف متوسط
من الاحسن قبل ماتبلي الحشو بالماء الزهر جوزيه في ربو و ارحي كل المكونات قليلا حتى يجي ناعم
ندير الحشو على العجينة
من بعد نقدمها في لكيسات و تقدم بالصحة و الهنا
ملاحظة
– بالنسبة للتزيين لك الاختيار ممكن تطليها بالشوكولا سوداء و تزينها بورود من عجينة السكر او تزينها بمكسرات او بجوز الهند انت و ذوقك
اي سؤال او استفسار انا في الخدمة
تحياتي لكن جميعا
لذا قدمت لك هذه الصور تشكرا لما قمت به يا اميــــــــرة المنتدى
بارك الله فيك خرجلك يشهي ماشاء الله