حبيت نبدل جامعه من الشلفا لورقله ههههههه ارائكم بليز 2024.

سلام عليكم عزززيزااتي
انا داخله من بروفيل امي و حبيت نسألكم انا طالبه هاد عام نتخرج من ليسانس فرنسي فالجامعه ولايه شلف

وعلى بالي نكمل مستار في ورقله .. جات في بالي هههههههه ..ناس كامل قالولي نتي مهبولة بعيده وكامل مي انا سبحان الله
حبيت شي جديد و تجربه جديده

حبيت ندي رايكم وناس ورقله يقولولي حياة كي دايره تماك وجامعه وتع فرنسي اذا ملاح ولالا قصدي اساتذه و مستوى تعليم

وهل اساتذه فرنسية فالابتدائي مطلوبين قصدي انا حبيت نلقى بوست ونكمل مستر \ احلمي ههههههه

المهم نستنى ارائكم وربي يوفق الجميع في حياته و يحقق له كل اهدافه

[b][/b]اختي و الله ما علابالي شوفي مع بنات ورقلة

في انتظارهم

وشكرا على مرور

اختي انا من ولاية ورقلة وبالضبط من حاسي مسعود

ومعلمين الفرنسية قلال بالزاف

والمستوى متدني جدا سواء في الاساتذة المتخرجين او في التلاميذ

انا بنتي راح تجوز السنة 5 ولحد الان ماعندهمش معلم فرنسية

اهاااا اهلا بيكي اختتتي
مادام قلال يعني مطلوبين يعني عندي احتماليه نلقى خدمه فبريمار

وحياة كي دايره ؟
انتي وش تنصحيني ؟

شكرا على الرد
باستثناء السخانه لي امر مفروغ منه طبعا هههههه
انا حبيت نجرب شي جديد علابالي ماشي ساهله

نصحك من ختك اقعدي فداركم وتعلمي حجات تانية
عمر قصير ولقوت مكانش والاقامات تمرميد سقسيني نعملك جورنال
مكانش كما داركم نظافة ونقى وماكلة الله الله

lool
merciiiiii khtii <3
c vrai makash kima dar

ارواحي زوريها او حوسي فيها مليح قبل ماتجي تقراي فيها و كي تعجبك مرحبا بيك في بلادنا في كل وقت