تارتولات بالتفاح بالخطوات المصورة من مطبخي البسيط 2024.

السلام عليكم حبيباتي اليوم جبتلكم تارتولات بالتفاح ان شاء الله تنال اعجابكم اتركم مع المقادير المرفوقة بالصور كيما العادة
المقادير
للعجينة
– 200 غ فرينة
– 100 غ زبدة بوماد
– قرصة ملح
– حبة بيض
– 80 غ سكر رطب

للحشو
– من 3 الى 4 حبات تفاح متوسطين الحجم
– 60 غ زبدة
– 4 م.ك سكر حرش
– قرصة قرفة

للتزيين
– شرائح تفاح
– سكر / قرفة / ليمون / زبدة
– نباج او جيلي

للتحضير
– في ليان نغربل الفرينة مع الملح من بعد نضيف قطع الزبدة

و نخلط بين الاصابع حتى تولي العجينة كيما الرمل نضيف السكر و نخلط

من بعد نلم العجينة بالحبة نتاع البيض المضربة و اذا تلصقت معانا نقدر نزيد شوية فرينة

– نخليها ترتاح في كيس داخل الثلاجة مدة 15د او اكثر
– نحضر الحشو نخلط كل المقادير مع بعض و نخليها على نار هادئة حتى يتشرب التفاح الماء و يتحول لونه الى الذهبي و نخليه على جهة يبرد

– ندي القوالب او قالب كبير ندير العجينة

و نطيبها مدة 10 د لون ابيض من بعد نخرجها

و نفرغ الحشو و نستف شرائح التفاح نرش شوية قرفة + سكر+ قطع زبدة باش السطح يتعسل و يتحمر و نعاود ندخلها الفرن حتى طيب