كيف احوالكم اخواتى انشاءالله تكونو بخير و عافية
اليوم قلت نحطلكم بعض الصور من لتاختولات لى عملتهم نتمنى تعجبكم
فى وقت لاحق انشاءالله نحطلكم المقادير
نخليكم مع الصور
لبات صابلى فى سلاديى او بول نحط 200 غ فرينة نضيفلها شوي ملح م ك سكر زائد زازت ليمونة واحدة ونخلط كل هذه
المقادير مع بعض ثم نضيفو 100 غ زبدة طرية و نبسس جيدا الفرينة بالاصابع فى الاخير نضيف صفار بيضة و 3 ملاعق
كبيرة ماء ونلم الخليط حتى نتحصل على عجينة متماسكة
نحل العجين و نشكلو دوائر بكاس بقياس ليمول لعندنا ندهن ليمول بالزبدة و نحط الدوائر لى شكلناهم نثقبو لبات
بالفورشات قبل ادخالهم الفرن باش ما يطلعوش و يخرب الشكل نتاعهم غير يولى لونهم دوغى نخرجوهم و نخلوهم يبردو
فى الوقت لى تكون الحلوى فالفرن نحضرو لكرام بتيسيار و نخلوها تبرد
اما الجديد فالوصفة هي انى اضفت كوش تاع خليط من المربي فراز و نفس الكمية نوا دوكوكو و حطيت فوقهم كوش تاع
كرام بتيسيار و منقلكمش المذاق كيفاش كان جربيها و تعرفى بنفسك
اما التزين فكان بسيط حطيت نصف حبة سوغيز و حطيت العرق قدامها كانو لاسق فيها و لأنى نموت على القرفة درتها
فوق الكريمة و خرج المذاق على ذوقى نتمنى تجربو هذى الطريقة لانها ناجحة
مش شرط نطبق الوصفة بحذافيرها التغيير لازم
نحب التزيين حتى ولو كانت المقادير بسيطة
اختى الياس حياتى تسلميلى عزيزتى مشكورات على الردود الطيبة
اممممممممممممممممم ماشاء الله
خرجت اتهبل
بصحتكم اختي
وشكرا على الطريقة