السلام عليكم ورحمة الله تعالى و بركاته
آهلا وسهلا بحراير الجزائر
اليوم درت بسكويت و صورت الكيفية
المقادير
كاس حليب + كاس سكر + كاس زيت + كاس كبير فرينة + نص ملعقة صغيرة خميرة الخبز + 1 خميرة الحلوى + عصير الليمون + حبة بيض
التحضير
نجيبوا اناء و نحط فيه السكر و البيض و نبقوا نخفقوا
بعدها نضيفو ليه الحليب و الخمارة لي نكونوا ذوبناها فيه سابقا
بعدها نضيفوا عصير الليمون و نبقوا نخلطوا و نضيفوا في الفرينة بالتدريج و نخلطوا و بعدها نحطو الخمارة الخاصة بالحلوى و نبقوا نحركوا بالملعقة حتى نتحصلوا على خليط و نجيبوا المول و ندهنوه بالزبدة و نحط الخليط فيه و ندخلوه للفرن درجة حرارة 180°
و بعد ما يطيب نخرجوه و نزينوه أنا درت مربى المشمش فوقه و الكوكاو مفتت
و خليته يرتاح و قطعته
حاجة بسيطة و خفيفة 
يعطيك الصحة هايل او ساهل
يعطيك الصحة حنونة
بسيط جدا ان شاء الله نجربو
بسيط جدا ان شاء الله نجربو
مممممم الله يعطيك الصحة
خرجلك رووووووووووووعة يعطيك الصحة
امممممم يعطيك الصحة هايل
ما شاء الله عليك يعطيك الصحة جاك هايل
امممم وبنينة
الله يعطيك الصحة راهو يشهي
بصحتكم تشربو بيه لحليب