اهلا حبوباتي 
جيت نحكيلكم على تجربتي مع الحساسية الموسمية في فصل الربيع 
بزاف منا يعانو من هاذي الحساسية و زوجي واحد منهم ..كل مايجي الربيع و هو العين تدمع و العطس الشديد
والام الرأس و بهاذا مزاجو مسكين يتبدل 
دايما مع مضادات الهستامين 
اللي يدوخوه مسكين و يرقدوه
المهم جا نهار و عجوزتي الله يحفظها كانت هدرتلي على تيزانة اوراق السفرجل
جابتلي كمية معتبرة غسلتهم و جففتهم في الظل
هاذي صورتهم كي نشفو
وكل يوم في الليل كان يشرب مضاد الهستامين و نزيدو كي يجي راح يرقد مغلى اوراق السفرجل
تحكمي ماء يغلي فوق النار وترمي فيه 5 اوراق او اقل حتى مع الزهرة تاعو …تاعي مازال مادارتش الزهرة كاملة…
يغلو 2 دقايق فوق النار و نطفي عليهم و نغطي و نخليهم ربع ساعة و يشرب بالهناء و الشفاء
صدقوني قعد اربع ايام ماشربش مضاد الهستامين بصح كل يوم يشرب هاذا المغلى
ونهار نسيت التزانة صبح مريض مسكين رجعتلو 
وهاذاك النهار حوست في الانترنت على علاج الحساسية لقيت باللي هدرو على اوراق الاجاص
وصح هوما من نفس العائلة
والبارح هدرت مع مرت عمي قاتلي الخبيز مجرب باذن الله 100 بال 100 للحساسية
قاتلي تغليهم ثاني اوراق الخبيز وبالشفاء
عانيت مع الحساسية حتى كرهت
كل عام طيحني فراش
راني في 15 يوم مريضة ماشي قادرة حتى نتنفس
عالجت و عالجت و بدون جدوى
نجربه و إن شاء الله يكون نافع
جزاك الله خيرا
عطرتن موضوعي بردودكن يا حلوات
والخبيز يا حبوبة ورقتو خضراء و تجي في وسطو حبة صغيرة كنا صغار كنا نحوه من برا و ناكلوه هههههههه
ادخلي لغوغل و اكتبيلو عشبة الخبيز ظرك تلقاي الفوائد تاعو و الصور
السلام عليكم انا من الجزائر. ابحث عن ثمرة السفرجل عاجل. من فضلكم