الصامصة من مطبخي تهبل مع سر من اسرار المطبخ 2024.

السلام عليكم خياتي اليوم جبتلكم وصفة بربي ان شاء الله ناجحة 100*100
هي وصفة الصامصة ان شاء الله تجربوها وتدعيولي معاكم
المقادير
3 كيلات فرينة
1كيلة زبدة دايبة
قرصة ملح
ماء+شوية ماء زهر
الحشو
2كيلا لوز مرحي
1 كيلة سكر
قرفة
ماء الزهر
الطريقة
نبداو بالعجينة خلطي الفرينة مع الزبدة بلا ماتلمي >>>>>>>>>هاهو سر نجاحها (جيبي unpassoire او سيار وفوتي الخليط فيه ) رايحة تحصلي على خليط ناعم لميه بمزيج الماء+ ماء الزهر
كتكملي لعجينة غطيها وخليها تكح وحد 15 دقيقة وبمااننا في الصيف من الافضل تدخليها للثلاجة
نوليو للحشو نخلطا المكونات مع بعض ونلموا بماء الزهر الحشو يكون شوية شايح
نخرجوا لعجينة نحلوها رقيقة ونشكلوا الصامصة بالطابع الخاص بيها مع دهن الحواف ببياض البيض
لي معندهاش الطابع تشكل مستطيلا ت تحط الحشوة في نصف المستطيل تمسح الحواف ببياض البيض وتغلق بالنصف التاني باه يتشكلها مثلث(لان المثلث نصف المستطيل)
نسخنوا الزيت مليح ونقليو الصامصة على نار متوسطة
نقطروها من الزيت وكي تبرد نشحروها ف شوية عسل مخفف بماء الزهر وبصحتكم يا حواء الجزائر ماتنساونيش بدعوة منكم

الله الله تشهي وانا من محبات الصامصة لكن نخاف نجربها وتبقالي معجنة من الداخل
ياترى كيف نتفادى باش ماتكونش معجنة من الداخل؟

السلام عليكم اختي اطرحيها رقيقة وقليها ف زيت سخون وبالتوفيق

شكرا على الطريقة تسلميلي

يعطيك الصحة يا الحنونة جاتني على قلبي

رااااااااااااااااائع يعني سوفلي

شكرا اختي على الاجابة ربي يوفقك

لا شكر على واجب وكاش استفسار راني هنا

الله يسلمك شوق