البورتابل 2024.

عندي مشكلةوحبيتكم تساعدوني فيها كان عندي بورتابل مايخدمش راح وليدي سقمو ودار فيه البطاقة الذكية يعني لابوس من وراء الاب ولكن انا مشاركة معه لاني اعطيته لاكارت انتاعي وهو يقرا في المتوسطة كي ندمت قلت انحيهولو ولكن فات الاوان في صالة الرياضة تسرق البورتابل وشك في واحد ولكنه انكر وانا خايفة ليعمل بيه حاجة وهو باسمي وانتم عارفين الباقي وتخيلو كل شيئ اللي تقدر تعاوني تدخل وكيما سترتني يسترها دنيا واخرة

اختي كي عاد la puce باسمك عيطي لمصلحة الزبائن و قلهم راهو تسرقلي البورتابل هما يكوبيوهالك و اللي سرق البورتابل ميقدر يدير بيه والو كي تكوبي انت لابوس و انشاء الله ما يكون غير الخير

الله يريحك كيما ريحتيني يا ايمان

بصح عيطيلهم دوكا قبل ما كشما يدير بيها و لايعيط و نورمال ما صرا والو

رانا هنا باش نعاونو بعضانا

المشكلة راهي 5ايام وانا راسي حابس والمشكلة لوخرا اللي شك فيه نعرفهم انتاع العيب ما يتمسوش واذا واجهتهم راهي تكبر عليا وممكن يسمع راجلي وهاذي هي المشكلة الكبرى ما نعودش نصلح

اختي عيطي لمصلحة الزبائن وقوليلهم بلوكيو لابوس تاعي خاطرش البورتابل نسرق
تمتم يغلقوها وما يقدر يدير بيها والوا.

انت عيطى لتاع المصلحة يبلوكوها لابوس باش ما يقدرش يعيط باسمك انت

الأخوات راهم عطوك الحل لكن العبرة إثنين
ـ تلميذ في المتوسط واش يعمل بالبورتابل اللهم في حالة وحدة إذا كان يدرس بعيد ويخاف ما يلقاش المواصلات فيحتاج يكلمكم
ـ عدم إستشارة الزوج في مسائل مثل هذه أمر يحتاج للمراجعة
وما تزعفيش مني حنونة

لا لا مزعفتش انا من الاول ماكنتش راضية بيه ولكن قدر الله ماشاء فعل ربما درس راح وحده بلوكا لابوس وكي جا رايح خفت انو يشوفو باباه قالي كوني متهنية ما يشوفني حتى واحد وما يعرفني حتى واحد راح مع صاحب الاب وجا مع صاحب اخر للاب واش تقولو في هاذ الوصاية دخلت من وخرجت من خليها باش نتربى اذا واجهني اباه نوصيه على الدراري برك هذاك لي كان لعب النسا على النسا اعطيني عشاك نديره حساء