مرحبا يالبنات اليوم جبتلكم من مطبخي تارت الليمون وجربتها بالبرتقال وجات تهبل وبنينة بزاف الله يبارك
مقادير العجينة
- 250 غ فرينة
- 100 غ مارغرين
- 100 غ سكر جلاصي
- 1 ذرة ملح
- 1بيضة
- فانيليا
تخلط المقادير باطراف الاصابع حتى تتلم العجينة ولما تتحصلي على عجينة طرية حطيها في التلاجة لمدة نصف ساعة
مقادير الكريمة
- كريمة الليمون:
- 3 بشرو حبات ليمون citrons + zestes
- 3 صففار بيض
- 150 غ سكر عادي
- 30 غ مارغرين
- 2 ملاعق نشأ
- Meringue:
- 3 بياض بيض
- 150 غ سكر جلاصي
التحضير ماصورتهاش بالتفصيل اعذروني
المهم بعد مرور نصف ساعة للعجين نفردها
ونحطها في القالب الخاص الي تعمليها فيه
وتقبيها مليح بالشوكة انا نسيييييييييييييت
حتى تفكرت خرجتها ولقيتها تنفشت للاسف شوي الحمدلله كنت حاطة البقول بكترة عليها مافسدتش بزاف
المهم حطي قبل لا تدخليها الفرن ورق المنيوم او ورق زبدة انا نحط وفيه بقول حتى لا تنفش العجين
وخليها تستوي
ونحضروا كريمة الليمون
الطريقة في كسرونة نحط عصير حبات اليمون ومع السكر و النشأ وكل مقادير الكريمة ونخلط جيدا وفوق الفرن حتى تعقد وتبقى كريمة جميلة
ونحطها فوق قالب التارت
وندخلها الفرن لمدة 10 دقائق تانية ونخرجها ونخليها شوي ترتاح لمدة 5 دقائق او اقل
ونحضر بياض البيض مع السكر حتى يصبح بقمم ثابتة نسيت نصور كالعادة
بهاد الشكل يكون
وبداي تحطيه على التارت نتاعك بهاد الشكل
ودخليه الفرن يكون مشعول من فوق حتى يتحمر البياض فقط
وتكون بهاد الشكل الجميل
هههههههههههههههههههههههههههههههه وهنا خليتها تنحرق لان ما نحبش البياض يكون ابيض كيما الصور السابقة
والف شكر للمتابعة منكم 
والي ما تقوليش رائيها مانعطيهاش تاكل 
اااااااااهممم