السلام عليكم ورحمة الله تعالى وبركاته
تبارك الله مشاء الله
ان شاء الله تكونو كامل ملاح
جبتلكم طريقة تحضير pain suisse بعجينة رااائعة وطريقة تحضير اسهل ووالبنة اروووع منطولش عليكم
المقادير
225غ فرينة
130غ مارغارين ذايبة
4ملاعق كبار اكل سكر
باكي خميرة الحلوى
نص ملعقة اكل خميرة الخبز
بيضة واحدة
ملعقة صغيرا ملح
نص فنجان صغير حليب دافئ
طريقة التحضير
في وعاء نخلط الفرينة مع السكر والملح وخميرة الحلوى مع بعض ونضيف 3ملاعق كبار زبدة ذايبة ونضيف حبة بيض ونخلط بالملعقة جيدا ونحط نص ملعة اكل خميرة الخبز في نص فنجان قهوى كحلة حليب دافئ ونخلط بيه العجينة جيدا واد متلمتش نكمل نلم بالحليب غير شوية شوية باش ماتجيش العجينة جارية ومنبعد بواسطة الفرينة نلموها ونخيها تخمر يتضاعف حجمها وكي تخمر نرش الفرينة ونحلها بالحلال بالطول يكون السمك نتعها 1سم وهديك الزبدة الذايبة الي بقات من قبل نكون خليتها تجمد شوية ونمسحها مليح على العجينة كلها وبعدها نرش قطع الشكولا عليها ونقطع بالطول كيما في الصورة نقطع العرض يكون 2سم ونبدا نلم ونرش البلاطو بالفرينة مليح ونحط الدوائر الي تحصلنا عليهم ونتركهم في مكان دافئ يخمرو مليح ونسخن الفرن من قبل مليح ونهن بحبة بيض وندخلهم الفور هي سريعة الطياب اد في الفور يكون احسن واد في الكوزينيار 180د وكي يطيبو ندهنهم بالعسل وبالصحة والهناء واي استفسار انا موجودة بادن الله نترككم مع الصور
نتمنى يارب تعجبكم وتجربوها ودعوة خير من قلبكم تكفيني
باين عليها هاااااااااااااايله
مشكوره فروحه
هااااااااااااااااااااااااااايلة وتشهي صحييييييييييييييييييتي يعطيك الف صحة وعافية
تبان هايلة
يعطيك الصحة فرح
طريقة جميلة