المقادير
أوله اللحم ويكون سمين من الغنم أو إن وجد الجمل معليش
من بصلة الى 2 مقطعة غليظة زيت وإن كان اللحم موش مشحم إستعملي شوي من الشحم
وتوابله راس الحانوت وفلفل أحمر وملح نقلي كلش مع بعض حتى نذبل البصل ونزيد التوابل و نمرق القدر بالماء الكافي عندها نزيد كمشة من الحمص مرطب و كمشة جلبانة طازجة او يابسة فول أخضر او يابس وكمشة تدلاقت كحلة وبيضا وعدس المحلي أي انتاع لبلاد وليس الي يباع في المحلات نضيفهم الى القدر ونترك كلش يطيب حتى ينضج اللحم والحبوب الجافة
نرجع للمردود الكمية المطلوبة نضعها في كسكاس او مصفاي ونفرغ عليهم ماء مغلي ونتركو بنشف عندها نجعلو يتفور حتى يطرى شيء ما و من بعد نفرغو في إناء ونفرغ عليه شوية ماء ونخليه يتشربو ومن بعد نعملو شوي زيت ونرجعو يتفور أخر مرة ويكون المردود جاهز للمرحلة الاخيرة
نعود للقدرة انتاعنا ونشوف اللحم إذا طاب نضيف للمرق الطماطم المصبرة والتمر المطحون وهذا هو سر مردود منطقتنا ألا وهو المريسة يقصد بها التمر ان كنتي رحتيه في طاحونة اللحم مثل تمر المقروط لكن دون منكهات ضعيه مباشرة في المرق وان كان عندك حب فوريه حتى يطرى ومعسيه بيدك حتى تتحصلي على عصير صفيه لتتخلصي من النوى والجلود
وأفرغيه بالقدر مع ثوم مرحي وراس الحانوت واتركيه يغلي غلوة وبعدها ضيفي المردود مع حبتين من الفلفل ان كنت من محبي الحار لا تفتحيها بل لنكهة فقط وخليه على نار مهيلة حتى تنضج حباته
وأتركيه يرتاح وأغرفيه بعد ذالك ولمزيدا من الروعة أضيفي عليه ملعقة دهان حر مع فلفل كحل وعود النوار أي القرنفل مطحونين وبالصحة والعافية عليكم
وهذه هي gصعتي ل يكم تفضلواااااااااااااااااااا
يعطيك الصحة
احنا في بسكرة نسموع العيش ويكون فيه المرقة اكتر من هكدااا
اممممم راه يبان بنين
تسلم الايادي