الحمد لله و الصلاة و السلام على رسول الله
السلام عليكم و رحمة الله تعالى و بركاته
اليوم حبيت نحطلكم طريقتي في تحضير طاجين بوزلوف و يجي خفيف و بنين لأنو المعظم كي يطيبوه يديروه بلاصوص اللي يطيب فيها على هذا يجي ثقيل لكن اليوم رايحة نقولكم طريقتي و ممكن كاين اللي يعرفها و يجي بنين و ما يتشبعش
المقادير:
ـ بوزلوف (انا درت بقري و ممكن غنمي يطيب بنفس الطريقة).
ـ بصلة كبيرة.
ـ فصوص ثوم.
ـ فلفل أسود.
ـ فلفل أحمر.
ـ كمون.
ـ زيت.
ـ ملح.
ـ بطاطا.
ـ حمص.
ـ ماء.
ـ طماطم مصبرة.
طريقة التحضير:
بعدما نكونوا غسلنا البوزلوف و و قطعناه
نحطوه في كاسرول و نضيفولوا بصلة مرابية و نديروا شوي زيت و شوي ماء و الملح و الفلفل الأسود
و نخلوه يتحمس ملييييييييح
بعدها نمرقوا بالماء و نضيفوا الحمص (انا كان عندي جاهز) ضفتو مع البطاطا
نخلوه حتى يطيب
بعدما يطيب نقطروه في كسكاس
و من بعد نحطوه في كاسرول و نضيفوا الثوم مرابي و نضيفوا الملح و الفلفل الأسود و الكمون و شوي زيت و شوي ماء و نحمسوه
و من بعد كي يتحمس نمرقو و نضيفوا البطاطا تكون مقطعة مكعبات ( و هنا ضفت الحمص لانو كيما سبق و قلتلكم كان جاهز يعني طايب)
كي يغلى نضيفوا ملعقة طماطم مصبرة و فلفل أحمر (فلفل أحمر نحلوه في شوي زيت باش ما ديرش كويرات)
و نخلوه كي يغلى نقصو عليه
و هنا راه وجد
نتمنى يعجبكم
ربي يحفظك
تسلم الايادي يا شطورة
الله يسلمك
نورتي الموضوع بتواجدك الجميل
آمين و إياكِ
الله يسلمك ختي
أسعدني مرورك
الله يسلمك
ربي يسترك